精神病

面對 精神病 人問題:政府有做過嘢咩?

港鐵尖沙咀站嘅縱火案,我都奇怪班土共無乘機抽水抽到泛民頭上,但原來係一位 精神病 人,以為曾蔭權殺咗佢個仔,結果搞出咁大嘅慘劇。所以依家疑凶身份,政府就盡量淡化算數,費時大家都以為土共癲佬多。當然,之前有人傳縱火果條友就係人獸交案果條,亦都有點兒那個,人獸交案果條件打完蘋果記者,涉嫌襲擊被人扣留,通常當街當巷打人被人扣留,仲要保釋期間,邊有咁快。好多時一打人,就即刻唔會再批任何保釋令,點可能出嚟。

其實,呢件事,反映咗香港醫療系統嘅問題,根本係自製炸彈。

精神病 診療足夠嗎?

大家先睇,最新醫管局各醫院聯網嘅 精神病 新症輪候時間

港島東 港島西 九龍中 九龍東 九龍西 新界東 新界西
緊急新症  1 星期 1 星期 少於
1 星期
少於
1 星期
少於
1 星期
1 星期 1 星期
半緊急新症  3 星期 3 星期 3 星期 5 星期 3 星期 4 星期 6 星期
穩定新症  39 星期 135 星期 38 星期 96 星期 65 星期 159 星期 94 星期

大佬,除咗緊急, 半緊急等一個,大部分等大半年到三年,如果無錢睇私家果啲,病況控制唔到,一係就搞出今次縱火事件,一係就搞出有人自殺,政府寧願將啲錢輸送俾契丹,都唔搞好 精神病 專科診療。搞好 精神病 專科診療,其實係維持公共安全嘅一部分,相信無人反對投放更多資源喺 精神病 診療上面。心臟病、腎病、肝病可能會累及家人,但唔會導致他人有嚴重損傷,但精神病唔係,而且根據法律, 精神病 人喺病發期間亂嚟,除非無限期醫院令(拘留喺有警察或懲教人員看管嘅醫院,並接受相關治療,如果無限期醫院令,就係醫生應該好番至可以出院,但一世唔好番都唔係太出奇)

有啲白痴政客,再度要求喺港鐵車廂裝CCTV,CCTV除咗俾統監府班賤人用嚟監控人民,對防止呢類隨機殺人事件無好處。鄭捷隨機殺人案後,柯文哲市長始終係醫生,佢大概知道發生咗乜事,佢係要求台北市警察加強鐵路巡查。其實巡查更重要,特別喺鐵路範圍無合理辯解持有危險品人士,係應該多加查問。依家如果有政客要求裝CCTV,呢個一定係立心不良嘅抽水搏懵行為,要搏懵唔係咁搏嘅。

發表迴響

你的電子郵件位址並不會被公開。 必要欄位標記為 *