港鐵-火警

港鐵 有教你遇到火警點應變嗎?

尖沙咀 港鐵 縱火案裡面,有一件事令我最驚訝,就係乘客唔知火警係要逃生,反而個個走去食花生。另一方面, 港鐵 裡面其實有滅火筒,亦好似無人用嚟救火,係有人用衫拍熄乘客身上嘅火,令我感到好奇怪同驚訝。

其實 港鐵 自己都無教乘客,正確嘅逃生同應付火警意識,又點會預期啲乘客個個都識應付好似癲佬放火,甚至更癲好似奧姆真理教嘅情景。

港鐵 始終係交通機構,唔係只係做地產

其實只要比較東京營團地下鐵,喺安全指引呢方面,同 港鐵 相比,就知 港鐵 完全當車站係shopping mall咁run嘅問題。東京營團地下鐵,大家睇到,就算係針對香港同台灣遊客嘅網頁,都有教大家遇到火警應該點做,特別要小心銀座線嘅高壓電第三軌(600伏特),遊客睇唔睇一回事,但呢啲基本資訊同教育唔單只只係車廂或車站嘅宣傳廣告,其實係要經常向乘客講解,因為唔只恐襲會引起列車火警,好多時,契丹遊客唔顧公德,喺東鐵線上攜帶易燃物品,一唔小心已經好大鑊,呢個叫防災意識。

當然,東京地下鐵要宣傳呢啲嘢,亦有日本自然環境嘅考慮,三一一地震果陣,我就喺東京地下鐵大手町站。火警係地震嘅次生災害之一,所以消防設施同埋逃生通道,對日本人嚟講,係一個關於生與死嘅問題。但對香港人嚟講,就算唔駛成日面對,都唔駛無意識到成咁至得㗎。

好多香港人仲有唔明一樣嘢,無錯,契丹並無參與同伊斯蘭國嘅作戰,但契丹係伊斯蘭國嘅敵人之一,因為伊斯蘭國係有一啲唔滿意中共統治,又走火入魔嘅回教徒加入。好多人以為印傭會參與伊斯蘭國,孟加拉傭或者會,但印尼唔多會,因為除咗我家鄉亞齊,大部分印尼嘅省份嘅回教,都係經明王朝傳入嘅世俗化回教,係亞齊受阿拉伯影響為主,走咗去原教旨主義嘅錯誤方向。印傭有唔少,係因為要逃避家鄉回教嘅各類清規戒條嚟到香港,甚至我知道有啲同性戀印傭係唔想返原居地,因為印尼喺呢方面接受度同寬容度,遠唔及香港。不過,巴基斯坦人,或其他國家嘅人,會唔會嚟香港施襲,呢個係大家所知甚少。

港鐵 教吓遇到應該點搞,係好事嚟。或都叫MTR Service Update幫個拖。

發表迴響

你的電子郵件位址並不會被公開。 必要欄位標記為 *