尖沙咀港鐵縱火案

尖沙咀港鐵縱火案 暴露香港反恐弱點

尖沙咀港鐵縱火案 ,相信係近年罕見嘅港鐵恐襲,好彩呢次凶徒唔似係麻原彰晃,或伊斯蘭國一類有宗教支持嘅癲佬集團,依家警察拘捕係華裔。但由於無身份證明文件,唔知係香港人,定係中國人,所以對成件事嘅起因,我唔做無謂猜測,只不過,呢次 尖沙咀港鐵縱火案 ,反映咗唔少香港反恐弱點。果啲反恐弱點,同《反恐法》或者《基本法》23條無關,土共五毛少抽幾次水。相反,香港人面對呢啲襲擊嘅態度,至係我個人最擔心。

如果呢單唔係 尖沙咀港鐵縱火案 ,而係沙林毒氣案?

成件事有幾樣嘢,我覺得係好唔妥,大家可以再睇一次片,我逐樣憑我嘅常識,指出有乜唔

  1. 無港鐵職員手持滅火筒迅速滅火,由於港鐵上嘅滅火筒,主要就係針對電火,所以呢類由易燃物品引發嘅火災,係可以用車上滅火筒救
  2. 大量乘客留喺月台同車廂係極不智,因為你唔知有無有毒氣體釋放,呢類事件,只有一件事做,就係要求車站嘅乘客離開,月台嘅乘客全速離開車站,以及儘快做好抽風。膠樽可以係齋易燃液體,可以係有毒氣體,亦可以兩者皆有。東京奧姆真理教事件,本身係一個教訓嚟。
  3. 拍片係好,只不過,拍片應該係留番俾公民記者做,如果你本身係公民記者,咁拍片係職責嚟,咁可以留,但留喺現場仍然要審時度勢,如果情況可能有生命危險,係應該三十六著,走為上著,始終呢類情況,本身就係接近恐襲,恐襲係乜嘢可能性都有,你無理由低估黐線佬嘅想像力同創造力

依家香港所謂反恐,其實只係想鎮壓異已嚟抽水,喺新加坡、馬來西亞呢啲南洋地方,至迫不得己推行《內部安全法》之類嘅法律,因為回教聖戰論引起嘅問題,長年都無解決過。香港需要嘅反恐, 係反恐教育,例如遇到恐怖襲擊果陣點保命,以及教育乘客要小心,好似日本到依家,由於受奧姆真理教沙林毒氣襲擊事件影響,長年要求乘客留意不審物(無人看管物品),以及一啲行蹤奇怪嘅人,呢啲至叫反恐,依家借反恐之名,實際上只係累積鎮壓異己嘅力量,呢種唔係反恐,係製造恐怖襲擊溫床。大家要記住,恐襲同神風特攻隊本質一樣,不顧一切嘅以小搏大行為嚟。

發表迴響

你的電子郵件位址並不會被公開。 必要欄位標記為 *