尖沙咀自焚-min

尖沙咀自焚 :係恐襲定乜事?

喺禮拜五黃昏,尖沙咀站突然發生自焚事件, 呢單 尖沙咀自焚 事件,係香港罕見嘅港鐵恐怖事件,呢次 尖沙咀自焚 案唔涉及沙林毒氣之類,如果涉及沙林毒氣,一早變成奧姆真理教東京恐襲事件翻版。

尖沙咀自焚 誰點火?

以治安嚟講, 尖沙咀自焚 誰點火,同埋點火果個人嘅國籍,係一個好重要嘅問題。我唔想猜測呢單嘢邊個做,因為自焚果個人嘅國籍係乜,成件事嘅定性係差天共地,以下係我純粹好慎重嘅一啲可能性推測,我希望警方能夠提供多一啲嘅資訊

國籍 推斷
中國本土:農民 絕望訪民尋求正義,類似事件喺中國本土發生過,可以參考呢度
東突 激進分子,但回教激進分子同時使用炸藥多
印尼、馬來西亞、巴基斯坦、孟加拉、中東 有可能涉及伊斯蘭國
香港華人 乜理由都可以有

但有線電視嘅相片初步推斷,係有華人攞住一樽綠色嘅易燃物品點燃,有可能係香港華人所為,即係乜理由都可以發生,我收到一啲最新資訊,再同大家分析。

因為乜理由都可以有,所我依家喺未知傷者嘅背景前,唔好作任何推測。但如果依家要由尖沙咀過海嘅話,我個人建議係儘量用天星小輪,因為呢單嘢,有可能係恐襲,如果係恐襲,以歐洲回教激進分子嘅行事模式,係A地方起事無耐,就會喺B地方起事,咁港鐵本身係好有風險,所以過海應該坐小輪,再坐巴士。

作為駕駛人士,依家要小心留意可疑車輛,雖然回教激進分子多用炸藥,依家推斷係恐襲係唔啱,但作為市民,唔應該排除恐襲嘅可能性,因為呢啲嘢,唔怕一萬,最怕萬一。如果突然有汽車自焚,甚至無端端玩自殺式汽車炸彈襲擊,呢個可能性,可能係由 0.00001%,提升到1%,咁都夠嚇死人。

依家唔好過度恐慌,但亦唔好掉以輕心,香港人喺處理恐襲或自焚呢家嘢,完全係缺乏應有訓練同認知,我諗依家呢個時候,特別支爆在即嘅時候,香港人要學識隨時應付一啲膠到無朋友嘅情況。由片段所睇,香港人係咁狂拍嘢,或者亂咁救,都隨時瀨嘢,港鐵職員就唔似有效受反恐訓練,如果真係奧姆真理教來襲,就真係冚包散。我睇多啲資料後,我再作一啲分析同判斷。

但呢度share部分讀者提供片段

發表迴響

你的電子郵件位址並不會被公開。 必要欄位標記為 *