林鄭月娥-劉慧卿

林鄭月娥 + 劉慧卿 = 舉世無匹嬲爆組合

民主黨似乎喺玩謝 林鄭月娥 呢方面有一手,雖然喺畫面上, 林鄭月娥 同劉慧卿同場,嬲嬲指數爆燈就肯定,好彩無希師奶同場,否則好可能係香港政治史上最厭惡性嘅場面。

只不過,由劉慧卿出招對付 林鄭月娥 ,其實係有啲啟示。除咗因為劉慧卿係專業記者出身外,如果不幸 林鄭月娥 當選特首,劉慧卿呢副格好可能係最適合對付 林鄭月娥 呢種人。

同 林鄭月娥 鬥厚面皮,鬥潑辣

呢個世界有樣嘢,叫格食格,好似鬥獸棋咁,每一種動物都有佢嘅剋星,even大象喺成個遊戲裡面係最勁果個,最終能夠剋住佢係老鼠一樣。 林鄭月娥 果句官到無求膽自大,其實係 林鄭月娥 個性反映,佢認為自己已經去到從政生涯最高峰,無可能再高,既然如此,就可以膽大妄為,明明黑都講成白,大搞語言偽術。

劉慧卿 係英文記者出身,唔係中文記者,所以慣咗西方果種出招狠毒,而且實無畏無懼問到底,再加上劉慧卿其實都係幾唔顧自己形象嘅好勝分子,所以一旦同場較量,就一定火花四濺。

其實 林鄭月娥 上台個社會之所以會越嚟越唔和諧,因為 林鄭月娥 自負,而且一定要贏人地,半分妥協都唔俾,甚至佢比梁振英更加唔會講妥協。梁振英係一個典型香港嘅古惑佬,古惑佬會多少會讓(唔識讓點行古惑呀),至少喺生死關頭,一定學壁虎甩咗條尾,但 林鄭月娥 唔係,對付 林鄭月娥 最後只會以硬碰硬,所以如果 林鄭月娥 上台,唔單只啲政客全部走戰鬥路線,而且香港啲激進派市場亦都會大好多,因為你唔強硬,你唔激進,你只會俾 林鄭月娥 由頭食到尾。

甚至某啲方面, 林鄭月娥 仲衰過希師奶,如果要希師奶向泛民選委下跪攞提名票,呢條友做得出,希師奶尚且會因政治計算,有時會面都唔要(你睇佢抄我嘢抄到幾厚面皮就知),但 林鄭月娥 ,呢條友識政治計算,就唔會一出嚟選柒事仲厚過電話簿,依然面不改容選落去,一個過咗係神仙嘅人,你搞到自己咁柒,我真係諗唔到日後個政府仲有乜管治威信,但係, 林鄭月娥 就係唔去理,攞權第一。對住呢啲人,你只能鬥唔要面,你要面就真係認真就輸了。民主黨出劉慧卿,就係話你知聽 林鄭月娥 面皮有幾厚。

發表迴響

你的電子郵件位址並不會被公開。 必要欄位標記為 *