一地兩檢

一地兩檢 ? 定發展西九洗頭列車中心?

一直以嚟,中國高鐵香港段嘅最大問題,就係 一地兩檢 。喺倫敦或巴黎搞 一地兩檢 無問題,因為英國同法國都係民主國家,同埋大致上受同一套《歐洲人權公約》保障,但契丹係有皇權,無人權嘅封建國家嚟,所以 一地兩檢 係最大問題。

一地兩檢 ?梁振英臨走又賣港?

依家喺看守期間,其實梁振英最好乜嘢都唔好搞,尤其係 一地兩檢 呢啲惹火嘢,無論邊個當選都好,由下任特首處理好。但似乎梁振英都趕住賣港,話臨落任交代 一地兩檢 方案?我想問,依家契丹肯喺廣州搞 一地兩檢 咩。照依家中國高鐵香港站嘅設計,好大機會契丹想將西九高鐵總站,變成丹絨巴葛火車站翻版。喺馬來西亞鐵路喺新加坡嘅總站搬到Woodland Checkpoint之前,丹絨巴葛火車站,以及火車路軌沿線都係馬來西亞領土,搞出無數膠到無朋友嘅問題,所以最後新加坡至同馬來西亞商議搬火車站,新加坡最後賠咗塊地俾馬來西亞,換取火車站搬到邊境嘅Woodland Checkpoint,同埋收埋丹絨巴葛火車站以及鐵路沿線地皮嘅主權。

只要銅鑼灣書店問題未搞掂, 一地兩檢 都係唔駛傾,因為大家都知道搞 一地兩檢 嘅結果,就係中國高鐵西九龍總站,一定發展成西九洗頭列車中心,以後強力部門要綁架人,李波又好,陳波又好,蕭建華又好,董建華又好,只要入到西九總站中國轄區,香港警察就神仙難救,咁仲得了嘅。駛鬼《基本法》廿三條立法,強力部門嘅人,日日亂捉人,再經西九啲高鐵列車送返契丹咪得,呢個簡直係黐線,大家忙於特首選舉都好,都無理由搏懵搏成咁架。

我嘅睇法好簡單, 一地兩檢 喺香港進行免問,要搞一地兩檢,喺中國高鐵一啲大車站,例如廣州,或深圳站搞,香港呢個懦夫政府,唔興亂咁綁架啲人返嚟香港,但契丹好興亂咁綁架啲人返契丹,完全係北韓風格嚟,只要呢個大格局無變, 一地兩檢 一定反對到底,只要呢個一地兩檢喺香港做,喺法律同可行性上都係近乎零,梁振英除咗再次出賣香港,我諗唔到乜理由要咁快做一地兩檢,連新特首都等唔切(可能梁振英對林鄭月娥打定輸數,所以要急做)

發表迴響

你的電子郵件位址並不會被公開。 必要欄位標記為 *