龍振洋

龍振洋 話俾香港人聽中聯辦點樣控制香港

香港商報高層 龍振洋 流亡美國,尋求政治庇護,好多香港傳媒花好多篇幅報導劉霞可以講番電話,但如果講貼身, 龍振洋 喺2月9日自由亞洲電台粵語組廣播,大爆中聯辦控制香港傳媒嘅內幕,呢個係更值得大家留意,大家先睇以下 YouTube 片(華語內容)

龍振洋 話俾大家聽,依家發生咗乜事

龍振洋 呢段訪問,可謂中聯辦違反《基本法》22條,以及《中英聯合聲明》嘅鐵證,而以下幾點,大家都好值得要細心留意:

  1. 香港好多傳媒,係被中聯辦收買,特別向香港傳媒老闆嘅收買同恐嚇,政治收買係好重要。
  2. 中聯辦會向傳媒老闆落命令,但直接落柯打,係《大公報》、《文匯報》同《香港商報》
  3. 《東方日報》係被統戰部收買咗,第一個中共體制出嚟嘅人,證實《東方日報》係被收買,仲要係統戰部,即係咁講,《東方日報》收嘅風同料,隨時高過張曉明。
  4. 《蘋果日報》係未被收買。《明報》、《信報》同《南華早報》係未全面控制(我對《南華早報》有保留,但《明報》同《信報》應該未全面控制

由一個美國政府出錢嘅媒體,至敢爆呢啲咁勁嘅內幕,因為香港啲媒體,邊個因被中聯辦恐嚇,敢怒不敢言,邊個收咗啲人大政協虛銜,邊個直頭高層收買,依家 龍振洋 講得好清楚,我亦唔知呢班友可以點反駁,因為 龍振洋 係直接收中聯辦柯打,佢講嘅都好清楚。

呢個亦係點解,除咗一啲網媒,我開始做自媒體嘅原因,依家中聯辦嘅收買係無孔不入,無論俾人甜頭,恐嚇老板,到可以搵兩個立場極端嘅網媒,其實波士都係同一班仆街嚟。你覺得你收到嘅傳媒資訊係準確,如果唔係《蘋果日報》至今未被收買,《明報》、《信報》某程度上守得住,我睇大家真係睇報紙同睇亞視差唔多。所以搞自媒體,係對抗中共對港殖民嘅一環,至少我知道我自己,係一個獨立嘅人先。

大家依家要對傳媒抱批判態度,因為中聯辦控制香港傳媒嘅無孔不入程度,應該係大家想像中要恐怖好多, 我怕呢單嘢大家遺漏咗,所以都係要攞出嚟講,自決派與其同長毛癲,不如關注一吓 龍振洋 爆出嚟嘅內幕仲好,呢啲真係對香港人嘅真實威脅。

發表迴響

你的電子郵件位址並不會被公開。 必要欄位標記為 *