Cherrypicks

Cherrypicks 為例:你有人事關係,炒粉?無問題

HSBC Payme 炒粉炒鑊甘嘅問題,到依家都未解決,基本上,如果你嘅戶口要email confirmation嘅話,你係唔知點解,永遠都收唔到email confirmation。 Cherrypicks 公司呢次,變成咗眾矢之的。

Cherrypicks 本來係港資公司,2014年被契丹公司收購,但 Cherrypicks 仲係港資公司果陣,已經試過幫 TVB 搞一人一票選港姐果單嘢,炒粉炒到上娛樂版,全城鬧爆,柒到去日本。當然,果次好多人都認為用微軟嘅雲端服務出事,微軟個 SQL Server 固然係鑊氣勁,但依家睇 HSBC Payme 事件, Cherrypicks 鑊氣仲勁,一間公司可以連續負責兩單 IT Project 鑊氣衝上報紙,簡直匪夷所思,問題係,點解 Cherrypicks 可以生存到依家至得架?

Cherrypicks 話俾大家聽:識人好過識字

如果喺外國,炒粉可以炒到呢個地步,基本上間公司一早賠償賠到破產,而且無公司夠膽俾合約你玩,或者要自己創業,重建信譽。因為外國公司嘅IT總監普遍都識嘢,你亂嚟果啲就可以DQ你一世。

但香港啲大公司點揀IT Vendor,一係大家都係大公司喇,一係可能係某某君,係某某某高層嘅老友,某某某高層根本係IT識條鐵,咁完全係由交情去搵IT Vendor,而唔係基於技術能力搵人做嘢,結果喺香港,真係IT叻嘅人,無幾可一展所長,要搵生意,最好加入iProA呢類sales當道嘅組織,跟住,香港啲網站呀,app呀,設計同穩定度同屎一樣,都無人去take care。所以,香港啲網站建設方法,以至行為之落後,去到匪夷所思嘅地步。 Cherrypicks 雖然炒成咁,但我都幾肯定,呢間公司會繼續接好多project,上次TVB選港姐炒到連日本人都知都無所謂,咁呢單 HSBC Payme 真係小兒科到爆喇,係唔係?

所以,我啲興建server同SEO知識,我用番喺自己身上好,條街傻人太多,由得佢地繼續撞板撞飽佢。

One thought on “Cherrypicks 為例:你有人事關係,炒粉?無問題

  1. 事實就係咁, 華人社會乜都人事解決, 死係應該, 唔死就悲哀

    我一五年十一月轉工, 一間細公司, 一個聽講係H乜做開MANAGER既肥佬做OPS MANAGER, 就日日被ADMIN MANAGER插, 我親手搞掂佢既蘇洲屎, 點知三個星期就被呢條廢柴雞咗我走

    呢個老細本身都係靠同幾個公司老細係老死先有生意做, 所以用人如此, 乜都做唔到, 都重可以有間公司

    誠如陶十九講, 橘越淮而枳, 大約如此

發表迴響

你的電子郵件位址並不會被公開。 必要欄位標記為 *