土耳其

俄羅斯 土耳其 同盟:貌合神離

三名 土耳其 士兵喺敘利亞北部,協助敘利亞反對派部隊同伊斯蘭國作戰果陣,被俄國戰機襲擊炸死。雖然俄國總統普京立即道歉,但已經令人懷疑,究竟俄國同 土耳其 依家嘅所謂同盟,究竟持唔持久。

俄國同 土耳其 利益根本矛盾

土耳其 同俄國呢個同盟,其實本身係唔穩陣,完全係總統埃爾多安因為喺 土耳其 內政搞出一鑊泡出嚟,需要團結俄國嚟換時間。但實際上,隨住伊斯蘭國兵敗如山倒,喺伊拉克戰線,伊拉克政府同庫爾德盟軍大致上已經清理當地嘅伊斯蘭國勢力,喺敘利亞嘅伊斯蘭國勢力,亦開始受圍困,俄羅斯支持嘅敘利亞阿薩德政權,以及 土耳其 支持嘅敘利亞反對力量,必有一戰。以俄國呢啲偷偷摸摸嘅仆街性格,普京下令炸完 土耳其 士兵再道歉,釋放 土耳其 不可碰敘利亞訊號,又有乜奇。

當然,喺美國 Trump 總統唔合理親俄嘅情況下, 土耳其 可以獲得幾多支持打柒敘利亞政府,本來係疑問題,但俄國喺英國同愛爾蘭西部上空派轟炸機嚇人,呢種小動作歐盟同英國係無理當無事發生,歐盟唔係香港長毛果啲蠢材,大部分都仲知乜叫 lesser of two evils principle, 土耳其 唔係好人,但 土耳其 作為北約成員,同相對親歐嘅國家,如果可以攞嚟令俄國有所顧忌,歐盟國家唔介意自己出手去協助 土耳其 ,呢個亦係埃爾多安玩得起威權政治把戲嘅理由,因為只要普京一日繼續發佢嘅沙皇夢,歐洲就仍然需要 土耳其 呢個盟友,作為制衡俄羅斯嘅一股力量。

俄羅斯同 土耳其 嘅結盟關係,喺將IS班變態佬趕出敘利亞之後,就會game over,呢次誤炸事件,只係兩國關係貌合神離嘅開始,喺可見嘅將來,雙方互玩friendly fire嘅事件只會越嚟越多,敘利亞想有日安寧,只要俄土之間仍然你爭我奪,普京嘅野心一日得唔到制止,都睇落有啲難度。

發表迴響

你的電子郵件位址並不會被公開。 必要欄位標記為 *