港珠澳大橋-

港珠澳大橋 主橋超支問題必須留意

有一單嘢,作為本土派應該留意,只不過,果啲中聯辦指揮嘅假本土派,走咗去影李嘉誠,其他本土派又捲入 lesser evil 爭論,無留意到 港珠澳大橋 主橋嘅工程超支問題。呢個問題,係大家一定要睇清楚。

港珠澳大橋 主橋建築無法監督

照政府新聞稿, 房屋及運輸局局長張炳良係咁講:

他表示,香港段工程並無超出核准預算,主橋工程則超支,但未有確實數字,正由專家評估,超支金額由三地按比例分擔。

相信由於香港段有傳媒監察,本土派監察,又有立法會議員監察, 所以香港段應該開支係符合實際需要,就算涉及,都唔會太誇張,只不過,主橋係另一回事,主橋工程同契丹以及澳門有關,大部分工程都係由契丹負責,兩個地方都係腐敗到無朋友,再加上支爆在即,如果要抽走部分香港儲備救契丹, 港珠澳大橋 主橋段嘅工程,一定係好好嘅藉口。特別香港有咁多賣港議員同政客主政下,主橋段有無涉及貪污腐敗,利益輸送,你係根本唔會知。

所以,主橋段嘅虧蝕,香港要負擔幾多,應該契丹同澳門方面,將盤數公開俾香港立法會以及市民查閱,成盤數唔涉及一啲太離譜嘅貪污腐敗,香港立法會同政府至可以撥款,如果條數太離譜,而要香港負擔嘅虧蝕唔合理地重嘅話,香港無理由去承擔呢筆數,否則此例一開,香港儲備就會變成契丹嘅提款機,咁就好離譜。大家唔好唔記得,除咗 港珠澳大橋 之外,仲有中國高鐵香港段嘅工程,同樣有可能成為契丹當香港係提款機嘅藉口。

如果林鄭月娥當選特首,好大機會由陳茂波做財政司司長,以林鄭月娥同陳茂波嘅性格,都應該好大機會好多香港人嘅錢送咗俾契丹都唔知,如果曾俊華或者胡國興做特首,由於曾俊華一向講求有規有矩,而胡國興係長期做法官,本身亦係御用大律師,反而會睇實成盤數,至少無咁容易令大筆公帑流到契丹果邊。所以對關注香港公共財政嘅人,都會想曾俊華同胡國興入閘,因為呢兩個人會做番好把關嘅工作,相反,由林鄭月娥出嚟,你睇西九故宮嘅表現,隨時談論 港珠澳大橋 都變咗談論國家機密,香港人啲錢冤枉去咗契丹果邊都唔知。

One thought on “港珠澳大橋 主橋超支問題必須留意

  1. 大佬,成篇野寫得好地地,點解有如此分析。以前曾俊華做財政司司長,呢d項目全部批左,唔通佢自己一d責任都冇?咁高鐵三跑,係咪都有曾俊華份?就算成盤數出左,有晒專業人士監察都冇佢地符被玩超支,之後邊個做特首可以擋得住?起碼前政務司司長同前財政司司長都有責任。睇你之前寫文章都好有理性分析,唔該唔好睇大勢點你又自己歸邊/////”如果林鄭月娥當選特首,好大機會由陳茂波做財政司司長,以林鄭月娥同陳茂波嘅性格,都應該好大機會好多香港人嘅錢送咗俾契丹都唔知,如果曾俊華或者胡國興做特首,由於曾俊華一向講求有規有矩,而胡國興係長期做法官,本身亦係御用大律師,反而會睇實成盤數,至少無咁容易令大筆公帑流到契丹果邊。所以對關注香港公共財政嘅人,都會想曾俊華同胡國興入閘,因為呢兩個人會做番好把關嘅工作,相反,由林鄭月娥出嚟,你睇西九故宮嘅表現,隨時談論 港珠澳大橋 都變咗談論國家機密,香港人啲錢冤枉去咗契丹果邊都唔知。”

發表迴響

你的電子郵件位址並不會被公開。 必要欄位標記為 *