林作-min

林作 唔做大狀都係正常:大狀唔易做

林作 向大律師公會通知,取消認許,換言之, 林作 好快唔再係執業大律師。當然,各人唔做大狀有佢嘅原因。但以香港嘅法律執業環境而言,要成為大狀,除非你家境好優渥,或者辯才好了得,否則早日唔做大狀,好過死捱爛捱。

林作 做一個大狀要負擔啲乜

大狀獨立性好強,但呢個獨立性唔係無代價,如果你無家境,點捱過呢段日子,其實好成問題。

  1. 大狀係自己做老闆,無生意就無糧出,仲要交喺chamber掛牌嘅費用,同埋專業責任保險,果啲全部都係一筆錢,特別好多大狀chamber嘅辦公室,都係中環、金鐘果啲甲級寫字樓,你話果啲係乜租金嚟
  2. 律師可以自己宣傳搏生意,我自己寫blog可以寫多幾篇搏廣告,但大狀唔係,大狀係一個喺街上等嘅的士司機,如果無事務律師轉介生意俾你,你可以成個月都唔知自己可以做乜。所以喺大狀嘅業務穩定之前,如果大狀無第二啲收入去維持,你根本玩唔掂
  3. 要成為執業大狀,你唔只要俾大學四年嘅學費,仲要打崩頭去考PCLL(法律專業證書),依家四年制大學計,你要準備五年嘅學費,如果你五年都係用grant and loan交學費,你俾得起?呢個問題, 林作 唔需要面對,但好多香港畢業,基層出身嘅大狀,就更加要有破釡沉舟嘅決心,否則好難捱過財政上嘅難關。

所以大狀唔怕得罪人,因為得罪大商家可能嘅責任,實際係由事務律師行去承擔,呢個亦係事務律師果啲合夥人,或老闆未必願意企喺捍衛法治嘅前線,甚至要同啲大商界,大官玩埋一齊嘅原因,但係大狀係相對獨立好多,大狀嘅獨立係有條件。

其實香港已經係好競爭激烈嘅地方,好多英國讀書嘅都要爭香港嘅PCLL,因為英國嘅競爭更激烈,英國係QC之間都打崩頭。新加坡之所以收緊英國受教育法律執業人員嘅原因,因為新加坡都自己競爭太激烈,結果咪成班友塞晒嚟香港。所以除非你喺官司上戰績好彪炳,或者一啲好有錢嘅二世祖,否則年青大狀其實係捱得好辛苦, 林作 早日離去,專門有鏡頭至蒲頭,或好鍾意上娛樂版咪幾好,至少可以俾其他有心嘅大狀上去先。

發表迴響

你的電子郵件位址並不會被公開。 必要欄位標記為 *