林鄭月娥-政綱

林鄭月娥 打算抄政綱抄到天荒地老?

林鄭月娥 喺今日出席活動後表示,她嘅政綱要等到下個月先至有。

乜話,搞份manifesto要搞咁耐,話雖 林鄭月娥 遲過曾俊華呈交辭職申請,只不過,既然 carrielam2017.hk 喺 林鄭月娥 仲係政務司司長期間買嘅,咁換言之, 林鄭月娥 準備政綱嘅時間,唔會差過曾俊華太多。更何況曾俊華同 林鄭月娥 都係司長級官員, 林鄭月娥 更加係主責政務,呢個政府有乜要做,有乜唔駛做,有乜唔應該做,佢應該好清楚,要寫份政綱要幾難?要寫到下個月先有?可能我BNO居歐權問題果啲文章,我已經寫鬼晒, 林鄭月娥 份政綱都未見人。

林鄭月娥 嘅政綱實變大雜燴

其實唔難理解, 林鄭月娥 要等到三月至出一份政綱,有兩個原因, 林鄭月娥 係等到三月至會有份政綱

  1. 曾俊華嘅政綱,其實呢個月都會有唔少微調,始終曾俊華係要靠民望入閘, 林鄭月娥 就等到曾俊華果份政綱完美版出嚟,扣晒啲梁粉唔接受嘅部分,咪拿來主義攞嚟用,曾俊華有樣嘢輸蝕就係曾俊華太老實,依家就出份政綱又抄又插,好唔抵
  2. 林鄭月娥 好可能攞唔同嘅政策出賣香港人,換取提名票,小圈子選舉最容易玩呢啲嘢。而由故宮、河套等問題,都睇到佢有鋪賣港癮,所以三月果份政綱,相信有唔少隱藏官商勾結嘢喺度,隨時係一份核突到無朋友嘅政綱

所以喺呢個背景下,大家唔會睇到 林鄭月娥 有乜施政理念同願意,因為份政綱隨利益,以及對手份政綱而改,仲有隨時因為三月要開人大政協兩會,3月3日成班土共喺北京,有可能果陣至知實際北京嘅權力變化,如果果陣張德江失勢, 林鄭月娥 喺政綱上落重注喺張德江有關人馬嘅利益,豈不是死得仲快。對 林鄭月娥 呢啲睇上頭技倆唔輸俾梁振英嘅仆街,睇定3月3日人大政協兩會嘅形勢,再出政綱都係一種買政治保險嘅做法。如果形勢有變,隨時變到比薯片更薯片都得,反正呢啲正係政棍本色。喺香港,係唔會摸清個權力格局會點。

所以同 林鄭月娥 傾政綱係多餘,佢份政綱其實係攞香港人開俾利益集團嘅支票,有乜好睇,佢越遲出政綱,大家就越可以對 林鄭月娥 嘅政綱同施政理念感到死心。

發表迴響

你的電子郵件位址並不會被公開。 必要欄位標記為 *