點解 熱血時報 成功喺中聯辦偷拍機會係零

熱血時報 聲稱派狗仔隊影到李嘉誠出入中聯辦,班熱狗爛仔上嚟留粗口留言預咗,但 熱血時報 有咁明顯證據,張相係中聯辦派俾佢地,仲死口唔認。

死口唔認?其實只要研究一吓中聯辦門口嘅地理環境,都會合理推斷到 熱血時報 啲相根本係中聯辦提供,並唔係乜嘢 熱血時報 狗仔隊手筆。

熱血時報 根本無法喺中聯辦門口擺長炮鏡

做狗仔隊成功嘅第一件事,係擺到枝長鏡頭,狗仔隊同千里之外狙擊對手嘅狙擊手一樣,如果無一個安全而無阻擋位置開槍,乜嘢都係假。

先由地圖去睇,中聯辦門口係一大堆高速公路,齋睇地圖都知,喺干諾道中隔住一大串高速公路,係唔可能擺到任何長炮鏡頭,可以神不知,鬼不覺情況下,影到任何 熱血時報 想要嘅照片,更加唔好講影片喇。

熱血時報-狗仔隊
熱血時報-狗仔隊

請教一下 熱血時報 班高人,點可能喺干諾道西西隧口一帶,可以有任何地方俾你班狗仔隊,可以拍片影到李嘉誠去過中聯辦拜年。我都唔好講, 熱血時報 係邊個報料俾佢地李嘉誠嘅行蹤,但李嘉誠應該唔會報行蹤俾呢班大帝。

跟住,睇Google街景,其實係更加清楚, 熱血時報 係唔可能有狗仔隊成功喺中聯辦門口影到相,一啲合理解釋都無

熱血時報-狗仔隊
熱血時報-狗仔隊

其實去慣中聯辦示威,都知道要喺中聯辦影到任何嘢,都庶近零可能。呢張相,其實更清楚話俾大家聽乜事,中聯辦門口嘅行人路,長期有一件黑警駐守,再加一堆鐵馬,以及唔合理霸佔行人路嘅巨型花槽, 熱血時報 嘅狗仔隊竟然可以喺行人路影相,呢個唔可能。跟住中聯辦門口嘅干諾道西係雙黃線,你想泊架車影相都唔可能,我唔信警察唔會驅趕或抄牌。跟住, 中聯辦對開干諾道西橋底,全部被鐵絲網包住,根本好難入到去,入到去仲要隨時被發現,以及視線被花槽,大閘果啲擋住,咁我想問, 熱血時報 嘅狗仔隊,仲有乜辦法影到李嘉誠到中聯辦拜年嘅影片?

熱血時報 投共證據係好清楚,你估你班熱狗上嚟講兩句粗口我會驚。課金俾 熱血時報 幫中聯辦做嘢?咪玩喇,要課金,可能課金俾我做多啲調查報導,或查吓檔案,都有益過俾 熱血時報 班友幫中聯辦做嘢。

One thought on “點解 熱血時報 成功喺中聯辦偷拍機會係零

  1. 支那辦扮明做戲啦
    葉瘤送容可恩入去都係黑箱車入黑箱車出邊會喺門口扼手搞咁耐

發表迴響

你的電子郵件位址並不會被公開。 必要欄位標記為 *