長毛-亂噏

長毛 你要做民主罪人你嘅事,香港市民呢?

長毛 自宣布參選特首後,不單網上劣評不斷,連朱凱由做live,都收到佢一世人都未收過咁多嬲嬲豬。其實見民情洶湧成咁,咪唔玩保住左膠元氣。但依家唔知邊個狗頭軍師教 長毛 講嘢,話佢呢次出嚟選,做「民主罪人」都無所謂, 長毛 咁樣講完,真係成個左翼運動,或者成班左膠,都一次過俾 長毛 清理。

長毛 鎅票意圖明顯

大家都清楚知道,喺張曉明嘅指揮下,林鄭月娥係一定湊齊提名票,成功入閘。喺呢個情況下, 長毛 參選,再加左膠好耐無做嘅黃毓民式批鬥行為結果,就係好有可能曾俊華因為攞唔到泛民提名票下,林鄭月娥不戰而勝。而 長毛 嘅話自己係民主罪人論,係反映佢明知結果仍然要照做落去,實際上反映兩樣嘢:

  1. 長毛 同一眾左翼不負責任程度,同熱普城假勇武班粉腸係一樣。你要做罪人你嘅事,但你依家由一個greater evil去掌握權力,而且林鄭月娥比梁振英更狠,如果呢次林鄭月娥當選,而香港人嘅遭遇,特別喺民權上受嘅打壓更慘,你 長毛 係咪會切腹向香港人認錯先?
  2. 呢次 長毛出戰,由頭到尾都無論述去支持去選,就算出動磁浮龍門,但龍門都係無法說服得到任何民眾,甚至令民眾憤怒果陣,作為民選政客,唔應該會做啲咁嘅政治自殺,我個人想問, 長毛 成個決定點做出嚟,完全唔似佢,定係有人存心利用左膠,嚟做到張曉明想做嘅事,當然啲錢唔係左膠袋,而係個別靠食政治飯嘅仆街袋。

其實 lesser evil 論者嘅立論好清楚,無話曾俊華唔係evil,只不過,係想避免林鄭月娥不戰而勝,而係由一個做嘢有規有矩,有群眾支持嘅人上台,對香港人普遍情況係會略為好一啲。講句俗啲,都係要食啲好難食嘅嘢,係硬食果隻,但一般人都會係揀個無咁臭,無咁難入口嘅食,而無理由要迫人食個最臭最難入口果個版本出嚟。

長毛 要做民主罪人,佢隨時係求仁得仁,只不過佢為咗乜水都做民主罪人至得,如果係為咗某啲人搵銀去做民主罪人,我建議 長毛 做民主偉人,唔玩呢場選舉,兼篤爆邊條粉腸叫佢出嚟選,佢不單保住光環,而且我相信香港市民,包括我在內,都會感謝佢。

發表迴響

你的電子郵件位址並不會被公開。 必要欄位標記為 *