李國章

李國章 不倒,香港教育不會好

較早前,高教界選委見特首參選人林鄭月娥,當時有選委批評 李國章 ,林鄭月娥替其辯護,有高教界選委幾乎要反檯。

高教界多斯文人,如果好似我呢啲粗人,一早爆咗粗,然後walk away,跟住再喺facebook同呢度狂寫狂數。我讀大學果陣,正係 李國章 做校長。 李國章 呢個人渣係乜嘢人,我都幾有親身感受。我可以講, 李國章 不倒,香港教育不會好,任何特首候選人支持 李國章 同 吳克儉兩件極品,都可以返去仆街。

李國章 完全無心為學生爭取

我唔係學生會幹事會人,但大學果陣,由於我本身已經寫緊時事評論,唔方便參與學生會對外嘅工作,所以我係代表會代表中最奇怪,參與校政最多,由校巴到膳堂都有份(係,我做過膳委),其中最為重要,係爭取校巴。

李國章 對校巴問題係乜態度,我依家用英文咁總結,who fxxking care,一味重覆UGC政策,無諗過點fight更多資源返嚟。當時中大校巴經常超載,結果我係用報警,同埋叫蘋果日報記者嚟報導中大校巴歡樂滿東華嘅實況,至叫有改善,佢啲hihi嘢,我喺《明報》都寫過。佢離開中大之後,獨斷獨行,搞到香港教育,以及香港大學一鑊泡,呢啲都已經係後話。所以 李國章 不倒,香港教育一定出事又出事,絕無絕期,直至呢件死仆街玩完為止。

所以林鄭月娥敢為 李國章 辯護,高教界同教育界選委都唔駛同呢條友傾任何嘢,因為大家都會好清楚,林鄭月娥會重用 李國章 呢啲黐線佬去玩殘香港嘅院校,至少香港大學會繼續被玩殘,呢種情況一啲意思都無。有時睇一個特首候選人得唔得,睇吓呢條友對 李國章 有乜評價就得,喺 李國章 問題上,林鄭月娥肯定係唔及格,而希師奶亦一定係唔及格。胡國興同曾俊華,係知道 李國章 呢個人係唔用得落去,所以呢兩個人教育界同高教界選委可以考慮一下。

後話:我會當長毛係一個參選人,呢條友違反泛民支持者民意,堅持唔知為乜原因去選特首,今日嘅我打倒昨日嘅我,點解要幫佢宣傳,佢講嘅幾好聽,都係嘥gas,我只會當佢係林鄭月娥助選員一號。

One thought on “李國章 不倒,香港教育不會好

  1. 黃兄,溫馨提示,你最後嗰段好似打漏咗隻字:

    「後話:我『唔』會當長毛係一個參選人」

發表迴響

你的電子郵件位址並不會被公開。 必要欄位標記為 *