民航處

民航處 仲要死撐 AutoTrac 3到乜時候?

民航處 自改用 AutoTrac 3 做air traffic control 系統以嚟,事故不斷,而factwire又爆,農曆新年期間,曾經有六架次喺香港飛航情報區飛行嘅飛行飛行間距不足。呢啲問題,本身已經夠令人食驚風散。因為依家啲飛機都係亞音速飛機,雖然飛機本身都有防撞系統,但如果稍後閃失,喺空中撞飛機係一件傷亡慘重嘅事。

只不過,最令人感到心寒係 民航處 嘅態度,雖然 AutoTrac 3係咁出問題,但仍然係死撐,完全置乘客安全於不顧。

民航處 不只要對香港機場使用者負責

大家對 民航處 負起 Air traffic control嘅概念,大概係香港機場上落班次,但實際上,香港 民航處 係負責以下咁大地區所有飛機嘅交通安排,如果有乜冬瓜豆腐,有幾多人命受影響,呢班 民航處 官員有無人命安全概念?

民航處-1
民航處-1

為公共安全, AutoTrac 3仲係咁多問題嘅話,根本要停用,恢復番用 AutoTrac 1,並且儘早就取代 AutoTRac 3嘅系統作出招標,以及喺適當時候,入稟法院向Raytheon 公司索償,因為無理由提供一套咁垃圾嘅系統,但我覺得有兩個部門要跟進,至可以制止 民航處 繼續用一套咁瘋狂嘅系統,置香港機場使用者,以及使用香港領空所以飛機安全於不顧。

  1. 廉政公署:廉政公署應該調查, 民航處 負責採購嘅人員,有無收受任何不當利益,如果有嘅話,係應該盡早採取行動,以昭公信。民航有關嘅採購,往往涉及巨額銀碼,有人會起貪念,有乜出奇。
  2. 審計署:用咗咁多錢,買咗套被人鬧爆嘅系統返嚟,一定違反衡工量值原則,由審計署去查 民航處 ,可以查成個採購過程,係唔係完全唔顧公帑嘅合理運用。以下我附埋審計署,過往點炮轟 民航處 個新總部,就明審計署一定要再就 AutoTrac 3問題查一鑊 民航處 嘅理由
[embeddoc url=”https://martinoei.com/wp-content/uploads/2017/02/c63ch03-1.pdf” download=”all” text=”下載”]

但可以肯定係,一日未搞掂個 Autotrac 3,興建三跑工程本身都係黐線,依家都可以搞到幾乎空中相撞,日後一定沒有最大鑊,只有更大鑊。香港市民,並唔想出去旅行,或者公幹都要搵命搏。

發表迴響

你的電子郵件位址並不會被公開。 必要欄位標記為 *