TVB

中共權鬥引發 TVB 控股權爭奪戰

對中共嚟講, TVB 控制權應該係無懸念,因為三大股東,陳國強、台灣嘅王雪紅,以及上海幫嘅黎瑞剛,對中共嚟講, TVB 早牢牢控制,唔大可能再有股權變動。黎瑞剛同陳國強打算搞回購,都係想鞏固 TVB 嘅控制權。

只不過,中國傳奇集團,突然話有興趣收購 TVB 控制權,就難免令人諗到習江十九大前惡鬥,隨時可能引發 TVB 控制權爭奪戰,權力鬥爭打到嚟股市,就唔慌唔係大時代。

TVB 保衛戰

由 TVB 發俾股東嘅函件,都睇到呢場收購好有權鬥嘅味道,甚至好可能被視為敵意收購

對可能買方未有所聞,亦未獲披露可能買方的最終實益擁有人身份、其資金來源及其財務穩健的證明。

好少咁寫法,呢個寫法係一個好唔友善嘅訊號。而中國傳奇集團,呢間嘢喺習近平訪英期間跟隨習近平,聲稱要大肆投資英國,當然無點成事,但呢次無端端喺黎瑞剛一等人要鞏固 TVB 控制權果陣郁手,仲要 TVB 呢幾年嘅盈利能力都大不如前,都仲要起筷,除咗係權鬥,我真係諗唔到第二啲合理原因。

大家都知,習近平喺香港係無乜平台,一個炮台叫《成報》,一個炮台竟然係法輪功系統嘅《大紀元時報》,而電子傳媒全無平台。由於商台好難收購,電台呢一方面唔駛諗。而亞視個朵太臭,所以救嚟都無謂。所以,依家 TVB 係最好一個收購對象。

特別係依家黎瑞剛、王雪紅同陳國強三人同盟,再加個方逸華,根本唔夠穩陣,王雪紅同陳國強兩條友,一個要買喺契丹政治保險,講真,如果習系得勢,王雪紅就會轉,而陳國強,只係嚟賺錢,如果傳奇集團俾到佢要嘅錢,佢自然會賣股票走人,所以依家隨時係江系同習系鬥銀彈。當然,黎瑞剛自己都會小心做人,因為佢堅係共產黨員,如果佢有嘢俾中紀委揸手,就已經係另一個講法。

所以 TVB 控制權,特別陳國強嘅回購協議,一定會打到飛沙走石,股東大會都會變中共權鬥大會,呢個真係 TVB 股東嘅奇遇記。當然,呢個世界錢無人嫌多,如果真係江習鬥鬥到 TVB 控制權上面, TVB 股價同交易一定好精彩,又可以賺錢又食花生無幾可,不過食完花生就好起身走人。

發表迴響

你的電子郵件位址並不會被公開。 必要欄位標記為 *