黃毓民-周融

黃毓民 周融 再度雙劍合壁幫中聯辦手

黃毓民 同周融雙劍合壁,聽起嚟似天方夜譚,但2007年曾蔭權爵士選特首果陣, 黃毓民 周融再加依家同樣係梁粉嘅林超榮聯手搞talk騷,而喺google,當然仲有呢三個人聯手嘅紀錄。

2017年,同樣喺特首選舉, 黃毓民 同周融再度聯手,不過唔係搞talk show,而係暗助林鄭月娥。

黃毓民 控制嘅熱血時報,同周融控制嘅HKGPAO時間咁夾

大家睇李嘉誠見中聯辦嘅消息, 黃毓民 控制嘅熱血時報,同周融控制嘅HKGPAO,幾時係同步,旨在俾商界訊息,以為李嘉誠都落重注喺林鄭月娥身上咁。

黃毓民-周融
黃毓民-周融
黃毓民-周融
黃毓民-周融

如果唔熟 黃毓民 過往嘅歷史,特別 黃毓民 、周融呢堆名嘴之間嘅關係,可能純粹以為只係意外。但依家 黃毓民 係同林超榮、周融一齊搞過show,佢地私底下嘅關係一定千絲萬縷,咁點解又一齊出。仲要留意一樣嘢,統監府喺警察部署下防衛森嚴,熱血嘅狗仔隊真係偷影到,熟中聯辦環境都知,除非中聯辦俾片,或者中聯辦嘅人俾片熱血時報,否則點會有呢段料?中聯辦門口係唔可能部署到長炮鏡頭,中聯辦嘅位置係有特別考量過,咪當中共嘅人係傻至得。

所以依家都幾肯定,中聯辦同林鄭月娥,動員呢幾年收買嘅各類人鬼不分嘅網絡,為係捍衛梁振英同林鄭月娥打落嚟嘅鐵桶江山。長毛出選係乜人指使,其實我估到,當然唔係 黃毓民 同周融,但長毛仲有乜老友同呢個「名嘴」圈子有關,其實好容易推斷到出嚟。比起幕末嘅長州俗論派,香港呢啲俗論派難打好多,因為佢地當中有人會扮正義派,尊攘派嘅名目出現,如果唔熟佢地嘅過去,真係俾佢地呃咗都唔知。本來 黃毓民 利用熱血再度投共,證據都無咁明顯,但隨住 熱血時報呢次罕有咁用HKGPao同步,大家都知乜事。

咁點解唔用姜在忠嘅大公文匯系統,我相信大公文匯系統唔敢玩得咁盡,因為好可能有中紀委巡視組嘅人喺度,如果有中共中紀委巡視組嘅人喺度,呢啲dirty job,咁梗係交俾呢啲睇落同共產黨無太大關係嘅外圍友仔做,中共中紀委可以郁契丹嚟嘅共產黨人,但香港土共呢班有英籍,或台灣聯繫嘅友仔,中紀委鞭長莫及。正如點解習系炮台一定要用《成報》一樣。

發表迴響

你的電子郵件位址並不會被公開。 必要欄位標記為 *