康傑幼稚園

康傑幼稚園 事件:港鐵帶嚟災難

海怡半島嘅 康傑幼稚園 ,到依家都仍然未能同和記地產商談續約,睇嚟好大機會 康傑幼稚園 因無法喺今年續約,成班幼稚園學生唔知點算。家長固然唔知點算,對細路嚟講,亦有好大影響,一夜間啲同學仔無晒,都係唔好。

康傑幼稚園 因港鐵南港島線通車無法續租

其實 康傑幼稚園 續唔到租嘅理由,都十分之簡單,就係因為港鐵南港島線通車,個個以為有咗地鐵人流就會上升,然後就大肆加租,覺得港鐵通車,自然會有水魚入嚟俾你班地產商鋸。

港鐵會為地產升值嘅假象幾時開始,其實係港島線通車後開始,港島東區由於港鐵通車,而變得去中環返工好方便,啲人跟咗去太古城等地方住,然後就物業大升值,啲人流又大增加,然後大家以為港鐵嚟到就會發達,跟住港鐵對舊區,甚至一啲無咁多人流嘅地區變咗惡夢,因為只要港鐵一到,啲樓價同租金一定被炒到唔合情理,就算果個港鐵站設計係白痴,或者對疏導交通根本唔係幫助咁大,都會被人攞嚟做文章加租同炒貴樓。

對原本喺當地居民,港鐵興建期間嘅不便要佢地承受,但港鐵帶嚟嘅炒賣樓宇熱潮嘅惡果,又要佢地承受,呢個現象根本係唔公平。我唔贊成租務管制,但針對港鐵通車嘅情況,可能要喺規劃同租務上要作出特別限制。例如幼稚園咁,可能在港鐵通車頭五年,禁止業主改變用途,以及限制加租水平,至少減少原有當地居民嘅不便,當興建港鐵嘅external cost無法由政府向居民彌補果陣,以政府干預去減少負作用,真係只能講係lesser evil方案,唔通叫港鐵公司俾當地居民車費優惠咩,當地居民生活可以遲啲受干擾,已經好好。

康傑幼稚園 只係港鐵為海怡半島呢個社區帶嚟嘅第一個災難,我睇嚟喺支爆之前,更多騎呢嘅事會發生,成棚契丹人入嚟租同買樓,都已經有排你好受,海怡半島果度果啲警察居民,本身都已經唔係一啲好居民(其實我識唔少中產,並唔係太想與警察為鄰,大家都知香港警察墮落到乜嘢水平,並唔係一般大家所諗嘅「公務員」),依家仲要嚟一堆契丹炒樓客,真係大家頂得住先算。

發表迴響

你的電子郵件位址並不會被公開。 必要欄位標記為 *