Payme

Payme 點搞出大頭佛

相信全香港最支持各類fintech嘅網站,當推我呢個blog,唔單只 Paypal,連 Tap n Go, Easypay,甚至八達通,總之我能夠開嘅 p2p付款途徑都會用。連 Payme 未開,我都有經常推廣,無收廣告費,旨在收 HSBC 俾嘅 rebate,同埋令讀者更容易 donation 或買 paywall文。

總之今日 Payme 一出就出閘脫腳,成朝早都send唔出verification email,而依家,我都未收到verification email,睇嚟我呢度用 Payme 收錢,仲有一段時間至得。問題係,點解 Payme 會搞出咁大嘅大頭佛至得。

Payme 唔做 soft launch咪出事

搞 fintech係啱,如果香港要搞好e-commerce,fintech係要做好,特別香港銀行ATM,得一間Citibank會連十蚊紙,廿蚊紙都收果陣,咁fintech,無乜手續費果啲能夠做好,係功德無量,唔通用wechat 收錢,然後等俾支爆波及。

問題係,任何新系統推出都可能有bug,依家唔係你出easypay,用嚟用去都係 HSBC 同恆生原有用戶,大量街客出現註冊果陣,一炒粉到大大鑊。大家見 PCCW Tap n Go推出,我係第一批用,呢批人係乜人,就係PCCW Mobile最早果批有份參與測試系統嘅客戶。你搵班用慣新嘢嘅人去試,好過成班用唔慣科技果啲,係咁不斷retry都夠你個系統炒爆。所以 Payme 未經過 soft launch 就直接出街,呢啲 PCCW 自己都唔敢做嘅狼胎嘢,HSBC 竟然敢做,我只能俾個勇字俾 HSBC 。

PayMe 幾時搞得掂,我都好關心,畢竟我係全香港第一批應用 P2P 收款喺日常營運嘅網站,Payme 普及對我都有好處。但依家 HSBC 可能要先分批客戶做登記,唔好一大批人一湧而上,呢個可能係比較好嘅安全。我自己呢度,由去年搬到 linode,搞ssl,搞各類SEO 嘢,搞CDN,都用咗成半年時間。HSBC 想一嘢搞掂 佢真係太睇得起香港有啲 IT 人。

發表迴響

你的電子郵件位址並不會被公開。 必要欄位標記為 *