長毛

長毛 同左翼光環嘅終結

長毛 唔理網上泛民支持者鬧爆,堅持出選行政長官。雖然佢話攞到三萬八千張網上公民提名,至會堅去馬,但以呢次左膠推出磁浮龍門去叫 長毛 參選嚟睇,我睇就算無三萬八千張網上公民提名都好, 長毛 仍然會搵到藉口去馬(例如 Popvote 個app保安問題,話形勢要佢參選,乜乜物物),而 長毛 一去, 長毛 同左膠嘅光環,亦會一併終結。

長毛 :你話俾我聽有乜理由要去馬

喺十年,就係 長毛 去反對梁家傑資深大律師出戰特首果次,果次泛民最應該去選。因為泛民唔派人出嚟選嘅話,曾蔭權爵士就會不戰而勝,果次就真係出戰為反映小圈子選舉嘅荒謬,咁 長毛 果次點解要反對梁家傑資深大律師出戰?五年前,何俊仁律師出戰,本來有啲道理,但去到唐英年大爆梁振英想出防暴隊果陣,泛民唔肯改為支持唐英年已經係膠,結果果次係鑄成大錯,亦埋下何俊仁律師政治生涯終結嘅伏筆(你估泛民支持者唔會同你計數㗎?)

依家情況係,如果泛民要搵最近光譜嘅候選人,唔想要曾俊華,都可以選擇胡國興,胡國興嘅言論偏黃係好明顯。而小圈子選舉有幾荒謬,一個林鄭月娥再加一個張德江,乜嘢荒謬嘢都出晒嚟,駛鬼你 長毛 咩。依家 長毛 出戰嘅理由同論述,都唔係論述嚟,依家公眾反而只會諗到, 長毛 係咪有啲行事古怪人物指使下,為咗暗助林鄭月娥,老點你 長毛 同左膠出嚟鎅票,如果係因為呢個理由而出戰,唔單只 長毛 咁多年嚟積落嘅光環一掃而空,成個左翼或左膠陣營亦會多得你唔少,至少日後唔會再有人信你班左膠講嘢,因為無人知道你班左膠後面有乜嘢人控制。

除咗蕭若元未燈過呢個理由外,我睇唔到 長毛 出戰嘅合理性。而我相信,喺好多泛民支持者對popvote個app安全存在極大疑慮嘅情況下, 長毛 會唔會攞到足夠網上公民提名而出戰,係一個疑問。但作為有份投票選選委嘅選民,我可以講,有份出嚟投票嘅選民,唔會支持 長毛 出戰而導致梁振英暴政持續多五年。我相信IT界選委嘅智慧,但其他界別嘅選委,我個人真係有啲擔心,唔係個個擋得住左膠同 長毛 用啲過期光環喺度大人嘅氣燄。

發表迴響

你的電子郵件位址並不會被公開。 必要欄位標記為 *