張德江-假傳聖旨

張德江 肯定係「假傳聖旨」

喺香港各傳媒報 張德江 南下深圳幫林鄭月娥拉票果陣,我果陣已經講,林鄭月娥唔單只唔係北京嘅共識人選,而且只係反映權鬥更激烈,係宣戰行為,今日《成報》漢江泄嘅分析文章,果然證實咗我呢方面嘅講法。

《成報》點出嚟嘅疑團 好多其實係一啲中共政治常識嚟,如果香港商界喺做決定之前,真係小心啲好啲。

張德江 明呃你班友唔識嘢

既然傳張德江呼籲可廣泛傳播這信息,但竟然中聯辦管轄的喉舌媒體《文匯報》、《大公報》及《商報》隻字不提此事,只由本地部分傳媒「吹風」,而透風的媒體部分更是被中央視為「反共」的,令人摸不着頭腦。

呢個其實已經係 張德江 嘅傳話並唔係中共政治局常委共識嘅證明,因為如果係共識,呢班友一定放心大吹大擂,但如果唔係共識,吹大咗隨時坐洗頭艇,呢啲鑊無人想孭。

《成報》作為習系嘅主炮台,呢句至係重點

「一切重大事項由習主席決定、一切工作對習主席負責、一切行動聽習主席指揮」,要不折不扣把習主席的決策作為鐵規鐵律來執行,這才是衡量政治忠誠度的試金石,要絕對忠誠、絕對純潔、絕對可靠。

呢句話好重,意思就係你 張德江 當我習近平死架, 張德江 你要向我宣戰,我亦唔會客氣。所以,依家如果有人聽中聯辦啲人老點,以為林鄭月娥真係中共共識人選,隨時落錯注死咗都唔知乜嘢事。因為依家 張德江 睇落要保住喺港澳事務嘅主導權,問題係出手出得太早,出得咁早就會被人察覺。 如果我係 張德江 ,實會由得曾俊華攞夠提名票,臨投票幾日至放風拉票,只有實力唔夠嘅時候,至會咁早露底牌。

當然,呢次同上次唐梁之爭唔同係,上次唐英年被大量醜聞打殘咗,再加上泛民一貫嘅策略愚蠢,至俾梁振英上到位,但如今曾俊華唔似有任何醜聞喺身,如果講金權醜聞,做過發展局局長嘅林鄭月娥可能仲麻煩啲。而林鄭月娥啲膠聞,已經去到每日都至少一件嘅地步,而梁國雄宣布參選,亦明顯唔獲泛民支持者認同,佢後面係乜嘢人馬所為,其實亦唔難估到,成個左膠系統呢次堅係搭沉船。呢次中共權鬥鬥到呢毎地步,如果我係香港商界,老虎魚蝦蟹保住曾俊華,胡國興入閘最安全。至於梁國雄,我覺得唔駛喇。其實商界啲人,無理由唔知邊個叫長毛去死嘅。

發表迴響

你的電子郵件位址並不會被公開。 必要欄位標記為 *