的士

的士 加價: 梁振英攞小市民嘅錢去酬庸佢啲金主

雖然香港啲 的士 服務,差到垃圾嘅水平,但梁振英為首嘅仆街政府,仍然批准 的士 加價,喺油價持續下跌, 的士 拒載持續,同埋班炒牌嘅冚家鏟成日收埋架車唔出嘅情況下,我完全睇唔到點解梁振英有理由批准 的士 加價,簡單嚟講,梁振英臨被趕走之前,係咁用小市民嘅錢,去酬庸佢啲金主,呢個就係梁振英嘅人渣本質。

的士 唔單只唔應該加價,相反,其實要迫政府發更多 的士 牌,最終達致香港 的士 牌價下跌至正常水平嘅目標。另一方面,香港 的士 嘅監管,簡直去到無監管嘅地步。既然炒牌班友靠炒賣賺咁多,咁作為持牌人,係咪應該負更多嘅法律責任,迫呢班友喺賺錢之餘,亦做番作為一個 的士 牌照擁有人,應盡嘅責任。

的士 持牌人應為拒載負上罰款嘅責任

  1. 的士 持牌人將架車租俾人,其實唔係純粹生財,佢其實係外判咗作為 的士 牌照擁有人嘅營運責任,所以,如果的士拒載, 的士 司機本身固然應該受罰,但持牌人亦應該繳納罰款,因為呢個代表 的士 持牌人未盡作為持牌人應盡嘅營運監管責任。我建議係累積罰款,你啲持牌人越唔監管司機,就罰得越多。呢個世界可以不勞而獲咁輕鬆,一啲道理都無
  2. 以聰明嘅香港人,甚至契丹人,見以上嘅監管條款,就自然反應係唔租架車出去,其實政府應該修例,好似監管大氣電波咁,依家大氣電波廣播牌照持有人,揸住個牌唔播嘢係會罰款,甚至收番牌照。同樣,如果架 的士 長期唔租出去營運,而無合理解釋,政府同樣可以對持牌人罰款,甚至收番個牌。一係你班持牌人租架車出去,一係你賣俾實際要用嘅司機,唔好喺度囤積居奇。

當然,呢啲改革,梁振英治下一定唔會做,因為譚惠珠呢件 的士 敗類係佢老友。如果林鄭月娥上台,大家都唔駛旨意佢會做,我個人睇法係,最有可能實行呢啲改革,係香港一旦爆發革命,或者歸英,捉咗啲賣港賊之後,因為相信唔少持有大量牌照嘅商會中人,因為涉及賣港活動而被捕,屆時可以清算呢啲一味靠惡嘅友仔,並且引進新嘅監管制度,等香港 的士 業界可以重新上路。我唔係期望革命,可以改革當然要改革,但有時候,對住啲一味靠惡抗拒改革嘅人,可能最終係要靠革命嚟鏟除呢啲人。

發表迴響

你的電子郵件位址並不會被公開。 必要欄位標記為 *