房屋問題-min

英國政府如何解決 房屋問題

房屋問題 ,並唔係香港獨有,英國都有,英國啲租金同樓價係高,相信唔少人都同意,特別倫敦受世界各路黑錢影響,就更加唔駛講。

要解決 房屋問題 ,梁振英唔係得個吹字,左賴右賴,就係對郊野公園動歪念。英國政府,啱啱公布針對英格蘭住屋問題嘅「fixing the broken housing market」白皮書,當然,英格蘭同香港環境不盡相同,但有啲嘢,仍然可以攞嚟值得討論,至少英國嘅政府會攞個具體計劃嚟解決問題,唔係梁振英同林鄭月娥呢啲死仆街,自己no plan,又唔准人地有plan。

英國政府 房屋問題 白皮書可抄橋之處

英國政府成份 房屋問題 白皮書,有啲地方,可以香港人諗諗同比較,我未必百分百同意,但可以咁講,可以攞嚟討論,好過無得討論

  1. 推出前首相金馬倫留低嘅可負擔房屋計劃,針對23歲至40歲年青人,樓價係市價八折,但必須做按揭,費時啲cash buyer買鬼晒啲單位
  2. 各大地產商要有百分十單位,係affordable
  3. 綠化帶如無必要,不得發展(你比較吓橫洲)
  4. 縮短發展商由取得規劃許可,到完成工程時間,由三年變成兩年
  5. 太仆街嘅業主同地產經紀會被懲罰
  6. 以扶助最需要嘅一群,作為避免無家可歸者嘅策略,唔係容海恩果隻,探訪露宿者仲左驚右驚,或者好似林美顏呢啲人渣,教人劏房為樂
  7. 政府資金扶助中小型地產商發展項目,以免市場被兩三家大地產商玩晒

如果想研讀成份嘢嘅全文,可以喺以下地方下載

[embeddoc url=”https://martinoei.com/wp-content/uploads/2017/02/Fixing_our_broken_housing_market_-_housing_white_paper.pdf” download=”all”]

作為一個負責任嘅政府,面對令年青一代痛苦嘅 房屋問題 ,人地英國政府係會研究,然後拋一份仔細嘅方案去令大家討論,呢份正係一份正常英國政府水準嘅白皮書,唔係brexit白皮書果挺狗屎垃圾。無論香港嘅國會議員,定未來嘅香港政府,我都係期望有一份咁嘅份量嘅白皮書,去大家討論研究,解決香港嘅 房屋問題 ,唔係梁振英不斷玩利益輸送,仲要對維園、九龍公園,郊野公園打主意,自己no plan解決 房屋問題,就指責人地個plan唔可行。大家用英國標準去睇,就明梁振英同林鄭月娥兩個都只係人渣。

發表迴響

你的電子郵件位址並不會被公開。 必要欄位標記為 *