陳維安

陳維安 梁君彥 呢啲賤人為咗擦鞋可以去到幾盡?

香港政界充斥擦鞋仔,呢個已經唔係新聞。擦鞋呢種行為,用黃子華果句,搵食啫,犯法呀。如果大家都尊重人地搵食嘅權利,咁我覺得,我會對呢啲擦鞋仔鬧兩句,但唔會當成人渣處理。但立法會秘書長 陳維安 ,同埋立法會主席梁君彥為咗擦鞋,擦到連人地轉咗工,份工都受影響,呢啲阻人搵食嘅行為,係一定要口誅筆伐。

陳維安 知唔知禁制令要適可而止

說話梁頌恆國會議員嘅助理錢家傑,呢個月轉任一間律師樓,律師樓指示錢家傑去立法會姚松炎國會議員辦事處收取文件,點知俾立法會秘書處阻止,話針對錢家傑嘅禁制仍然有效。律師樓同 陳維安 呢班仆街交涉,點知不得要領,所以入稟高等法院司法覆核。

任何嘅禁制令,有一點係好重要,就係事過境遷之後,禁制令就要停止,否則就會變成不合情理,甚至係濫權嘅清算行為。當錢家傑唔再係梁頌恆或游蕙禎國會議員嘅職員果陣,咁立法會秘書處有乜理由繼續令禁制令有效? 陳維安 同梁君彥維持禁制令嘅理由係乜,除咗秋後算賬同政治迫害,仲有乜理由至得架?

當然,司法覆核係必要,但香港市民亦應該為錢家傑求一個公道,首先,應該向立法會行政管理委員會嘅泛民代表,包括莫乃光MP(資訊科技界),郭榮鏗大律師MP(法律界),黃碧雲教授MP(九龍西選區,民主黨),陳淑莊大律師MP(香港島選區,公民黨)要求重新檢討錢家傑,以及已經離職嘅游蕙禎、梁頌恆國會議員嘅職員嘅禁制令。另一方面,公眾應該致函立法會秘書長 陳維安 ,講明公眾係唔接受呢啲賤人行為,並且要求 陳維安 立即辭職,以示向香港人負責,以下係 陳維安 嘅公事聯絡方法

陳維安 先生 秘書長 3919 3003
傳真:2845 2444
[email protected]
[email protected]

當然我對 陳維安 無期望,有啲人以為為咗上位,可以無底線,迫害人唔需要講良心,一旦支爆中共倒台,群眾對呢啲人亦唔會客氣,一如點解台灣人喺黨產問題對國民黨咁唔客氣,因為過往國民黨做得太多賤嘢,呢個世界係有報應。

發表迴響

你的電子郵件位址並不會被公開。 必要欄位標記為 *