林鄭月娥-網站

林鄭月娥 競選網站仲可以有幾多膠嘢?

林鄭月娥 個競選網站,充斥住膠嘢,呢個已經唔係新聞。只不過,寫到嚟今日年十一, 雖然我睇過, 林鄭月娥 搵過人睇過pagespeed上可以改進嘅地方(有可能對家有我嘅讀者,所以SEO相關嘅文,稍後係paywall文,但係pagespeed個表現喺流動版依然係肥佬),但個網站都仲有技術上嘅低能錯誤,呢啲低能錯誤,我真係覺得 林鄭月娥 請返嚟啲勁貴團隊,可以攞咗錢,而唔交足功課,好鬼神奇。

林鄭月娥 網站permalink變死link

wordpress permalink嘅死link問題,呢個都幾經常出現,當然,香港要面對呢個問題,某部分用中文有關。只不過呢,呢啲死link問題,喺production server階段就一定要解決,否則無可能可以收貨,但最奇怪係,呢啲好易用Safari同Chrome查到嘅死link問題,喺圖片集果度都係死link,真係一如我之前所講, 林鄭月娥 搵班茂利嚟起website,如果唔係茂利,點可能呢個問題解決唔到。我唔打算提供可能嘅proposal, 林鄭月娥 陣營嘅人,自己繼續膠飽佢。

另一個問題更好笑,就係 林鄭月娥 圖片集啲相,相裡面啲市民,好多個樣係blur晒,你以為 林鄭月娥 貼啲out focus嘅相,或者搞啲奇怪嘅蒙太奇效果俾大家睇。

林鄭月娥-網站
林鄭月娥-網站

點解出現啲咁膠嘅嘢,因為 林鄭月娥 根據現行選舉法例,相裡面每一個人,都可以攞齊支持同意書,至可以出現。尤其是佢唔係好似張翼雄果啲咁厚顏嘅土共,支持同意書都未攞就攞啲政府官員合照擺banner度,然後被好事選民如我者攞去投訴。但好明顯,揀相同影相果個,都無考慮到選舉法例裡面嘅支持同意書問題,結果做 林鄭月娥 photographer果個,係咁用photoshop blur晒啲人樣,而大家就睇到呢啲,效果咁鬼奇特嘅所謂圖片集。

我只能講, 林鄭月娥 個website充滿住各類bugs,睇佢點搞個website,就可以諗到佢領導嘅香港,將會係一個點嘅世界。

發表迴響

你的電子郵件位址並不會被公開。 必要欄位標記為 *