外匯儲備

契丹 外匯儲備 跌破三萬億美元心理關口

中國人民銀行逢每個月七號,都會公布契丹官方儲備水平,而其中 外匯儲備 部分,始終守唔住三萬億嘅心理關口。呢個關口,反映支爆其實越嚟越近,點解我咁講呢。

外匯儲備 安全水平問題

契丹人民幣匯價穩唔穩陣,係睇契丹 外匯儲備 水平係唔係接近安全水平,當然好多人對安全水平有唔同講法,有人話兩萬億美金,有人話一萬六千億都得。但市場大部分都係接受IMF嘅最保守睇法,兩萬八千億美金嘅水平,而點解契丹近幾個月果啲控制外匯外流措施越嚟越辣,因為契丹政府對安全 外匯儲備 水平嘅睇法,應該係用IMF嘅睇法,如果兩萬八千億美金維持唔到,咁就真係好牙煙呀。如果契丹政府對 外匯儲備 睇法,係民間智庫,或個別銀行比較寬鬆嘅水平,咁依家兩萬九千幾億都仲好安全,咁點解要推出果啲辣到無倫嘅措施。

但另一方面大家都要注意,就係契丹政府嘅統計數字,係一定有水分,爭在有幾多水分,假設契丹嘅統計數字,係高估兩成嘅,如果依家實際上係兩萬四千幾億美金嘅 外匯儲備水平 嘅話,根本上就係一個唔安全嘅水平,咁人民幣匯價就會有風險。而一月推出果啲辣到無倫,限制個人匯錢出去嘅措施,都仲要跌百幾億金美 外匯儲備 ,等到新年假期完咗,啲人陸續返工,契丹想走資嘅人想玩乜把戲,我真係好想知。

由於依家人民幣係有可能唔夠足夠外匯支撐,所以,我睇契丹禁止匯錢出去嘅措施會越嚟越辣,分分鐘呢幾個月仲有人會出去旅遊,搞到旅遊景點寸土不生,但今年下半年,好可能外出旅遊嘅人大減,因為未必可以攞到足夠外匯出嚟找數,有錢都可能喺外管局同人民銀行雙管齊下之下出唔到,而啲地下錢莊嘅生意,可能亦都會越嚟越多,因為無辦法用正規渠道走錢,就只能用啲地下通道走錢。

但有樣嘢可以肯定,如果香港仲以為靠契丹嘅熱錢可以炒嚟炒去,呢個日子好可能快將結束,因為契丹根本唔會再有錢,喺契丹外匯儲備水平無法應付正常開銷果陣,大家要面對,就好可能係真支爆,以及由支爆所引發嘅一連串效應,呢個同Trump無關,Trump只係令件事加快發生。

發表迴響

你的電子郵件位址並不會被公開。 必要欄位標記為 *