林鄭辦公室

林鄭辦公室 個藍剔點嚟嘅呢?

林鄭月娥終於開咗facebook page,叫 林鄭辦公室 。對好多搞SEO或social media嘅人,有一個好大嘅疑惑,就係點解 林鄭辦公室 可以唔用真名,作為政治人物嘅page,可以幾乎即日攞到俗稱藍剔,叫 blue badge verification。

林鄭辦公室 無理由可以攞到藍剔

點樣成為 facebook verified page or profile ,無論係grey badge定blue badge都係好令人困擾,不過,我由於係自己個網站domain authority夠,同埋我係選擇以作者登記,只要交出自己嘅英國護照data page就搞掂(同埋我唔係用筆名),但我由mention上提交申請,到正式成為藍剔,都等咗四天。

而對政治人物,facebook嘅政策係更嚴,簡單嚟講,如果facebook個page名,同埋你個名不符,個申請無可能通過,仲何況係即日通過。而且facebook嘅政策,除咗美國外,全世界係大致上一致(例如香港係無gray badge verification,如果有人堅持要去攞,係自討沒趣)。咁 林鄭辦公室 又點樣攞到相關認證?林鄭月娥,一係用佢香港身份證,或護照上嘅名攞認證,一係用 林鄭辦公室 為名嘅有限公司,或社團註冊去攞,無乜理由,係用 林鄭辦公室 呢個又唔係身份證上有嘅名,又係唔公司註冊處上有嘅名,更加唔喺社團登記冊有嘅名攞到藍剔。

而點解我寫呢篇文,因為有人報料俾我聽, 林鄭辦公室 可以繞過facebook blue badge verification 嘅原因,因為有人向facebook香港辦公室施壓致。如果係咁,呢個係有人濫用特權,facebook固然唔應該向呢啲人低頭,但另一方面,亦對香港好多申請blud badge verification嘅個人或企業唔公平。林鄭月娥一係用番真名去開一個page,或者將 林鄭辦公室 個page名改番做香港身份證嘅名(反正憲報都會刊登佢嘅提名),而唔係依家咁。

當然仲有一個可能,係用美國IP註冊,但由於facebook香港官方有宣傳呢個page,我排除咗呢個可能。

發表迴響

你的電子郵件位址並不會被公開。 必要欄位標記為 *