曾俊華

曾俊華 嘅公屋政綱:關梁振英叉事

曾俊華 喺政綱裡面,話打算如果佢當選,長遠目標係做到六成市民係住喺公營房屋。梁振英即刻撲出嚟,質疑可行性。

曾俊華 政綱講乜關梁振英叉事

如果香港有正式嘅政黨政治,好似美國咁,梁振英同林鄭月娥屬於同一個政黨,而 曾俊華 屬於另一個黨,你梁振英插 曾俊華 ,fine,呢個係成個政黨政治邏輯一部分,我會喺呢度同你梁振英認真討論政策,大鬧你點無能兼無心。一如美國總統選舉,有時奧巴馬都會幫希拉里暗插 Trump 一樣。

問題係,香港特首選舉係唔容許有政黨候選人參與,每一個特首都係獨立嘅。咁嘅話,梁振英作為現任特首,係要保持中立,你依家梁振英突然間插 曾俊華 ,咁大家仲信呢個政府喺選舉期間係中立、公正嘅咩?簡單嚟講,梁振英應該問自己,點解吓吓搵地,都係向郊野公園,特別啲集水區打主意。

曾俊華 都係專業人士嚟

其實嚴格嚟講, 曾俊華 嘅本業係建築師,後來轉行做教育,所以 曾俊華 喺規劃同建築嘅專業程度,唔會輸俾你梁振英呢個,聲稱自己間大宅僭建都唔知嘅「產業測量師」(定橙葉測量師,我識條鐵)

香港長遠做唔做到六成係公營房屋,如果公營房屋嘅定義,唔係只限租賃式公屋(即係香港房屋委員會同香港房屋協會果啲Council House),唔係無可能,政府唔好吓吓都賣豪宅地,甚至離譜到所謂港人港地,原來都係賣俾契丹地產商狂炒用嘅,咁就嘥氣喇。如果香港嘅賣地同規劃政策,走向新加坡模式,大部分土地透過類似組屋咁出售,並且喺財政上有適當安排,例如以租代買(租咗個單位若干年,就可以得到業權,但業權受限制),咁又得唔得,在乎於你有無心做。

但橫洲事件梁振英嘅表現只話俾大家聽一個事實,梁振英只不過係地產商嘅走狗,林鄭月娥喺西九嘅表現,都話大家聽同一個事實。相反, 曾俊華 如果可以喺六成公營房屋政綱上講多啲, 曾俊華 反而有機會再得分,因為香港人對梁振英扮幫香港人上樓,事實上係幫地產商破壞環境嘅做法,已經忍到好夠。香港土地政策,唔應該關梁振英,人粉強(有啲人,係唔deserve我叫佢真名)呢啲人渣嘅事。

發表迴響

你的電子郵件位址並不會被公開。 必要欄位標記為 *