梁耀忠

梁耀忠 連國會之父責任都唔知,收檔喇

梁耀忠 當初無DQ梁君彥嘅參選主席資格,鑄成兩位國會議員被DQ嘅大錯,講真, 梁耀忠應該退出政壇,但 梁耀忠 喺接受蘋果日報訪問果陣,竟然仍然唔知自己錯,佢咁講。

「廚師煮乜嘢餸,啱與錯、甜與辣,我都無權去質疑佢好唔好,我只能送出去畀客人」

佢講呢句嘢,我覺得佢無資格做國會議員, 梁耀忠 應該依家辭去國會議員一職,超級區議員一席,由更適合嘅年青議員參選,因為佢仍然唔知國會之父嘅責任係乜,做咗咁多年國會議員都係咁,我覺得係時候早抖。

梁耀忠 作為西敏寺體制下議員應有常識

國會之父係負責主持選議長,呢個傳統源自英國國會下議院Standing Order No.1,而根據呢項Order嘅第3款,係咁寫

A Member taking the chair under the provisions of paragraph (1) of this order shall enjoy all those powers which may be exercised by the Speaker during proceedings under (2)thereof.

Source: STANDING ORDERS, House of Commons

英國議會嘅傳統好簡單,負責選舉議長期間,國會之父擁有嘅權力與議長等同,事實上,如果無呢項權力,國會之父何來能力主持會議,以及維持會議秩序﹐所以 梁耀忠 竟然話自己只係負責傳菜,你自己唔知作為國會之父嘅責任,又唔係好好研讀英國國會嘅Standing Order,抵抗陳維安呢啲人渣胡亂操縱議會,呢種失職根本係無可原諒,我唔係你嘅選民,因為我投傳統功能組別票,但投超區票嘅選民,有權要求 梁耀忠 切腹都無乜點錯。

其實香港議會嘅議事常規,同英國國會相比,根本係漏洞一大堆,香港獨立又好,歸英又好,香港議會議事規則有排你執。而立法會秘書處,喺陳維安主政下,根本係濫權同埋無盡國會秘書處應有責任,陳維安固然應視港奸處理,而立法會秘書處好多規矩,其實都應該要執,令議會係服務市民,唔係服務政權。

發表迴響

你的電子郵件位址並不會被公開。 必要欄位標記為 *