林鄭月娥

林鄭月娥 用小米notebook有乜問題?

林鄭月娥 facebook 開張,被人發現原來佢用嘅notebook電腦,係嚟自佢個仔任職間公司小米。呢種做法,我叫佢做置入式廣告,做特首候選人,本來應該避嫌,因為係好核突嘅一件事。只不過, 林鄭月娥 用小米電腦,會對公眾帶嚟嘅印象,唔只核突唔避嫌咁簡單,而係香港人對小米嘅惡劣印象,會投射喺成個 林鄭月娥 嘅選舉活動形象之上。

小米 = copycat, 林鄭月娥 = copycat ?

小米對好多香港人嚟講,最惡劣印象係一間copycat公司,小米電話本身,固然係抄蘋果,就連小米公布產品嘅presentation都係抄蘋果。而 林鄭月娥 用緊果部notebook,係明抄MacBook Air,有類似MacBook Air嘅外型同名稱,只不過,小米當然抄唔到Mac OS X嘅用戶介面,以及UNIX認證嘅穩定作業系統喇。

而 林鄭月娥 嘅選法,一直被指係玩copycat,甚至有人懷疑,點解 林鄭月娥 喺提名期之前唔公布詳細政綱,除咗唔好學曾俊華咁蠢,一早公布詳細政綱自綁手腳外,亦有人認為, 林鄭月娥 係存心要抄曾俊華嘅政綱,變成自己嘅政綱去騙取民情。當民眾已經懷疑 林鄭月娥 係打copycat選戰果陣,你仲要用一部copycat公司嘅copycat設計電腦, 林鄭月娥 ,你無嘢嘛。

其實,如果真係識用facebook,facebook八成流量都係嚟自流動設備,你攞個iPad都無咁核突(如果用小米設備,依然好核突嘅),用facebook desktop版,首先,facebook desktop版係打唔到咭,另一方面,係facebook page admin,仲要涉及唔少詳細設定嘅情況下,至會用desktop,因為手機app仍然有唔少限制,但真係用facebook嘅人,實際上係用手機。唔識facebook又要扮學用,仲要為個仔做置入式廣告,兼且俾人感覺你唔尊重蘋果嘅創意,呢個配搭本身,真係除咗招來關公之外,我唔知點形容呢個奇異配搭好。

做戲呢,係要小心道具,否則變cctvb膠劇。果然依家啲人,做場戲都未諗清楚,香港啲業餘政治真恐怖。

發表迴響

你的電子郵件位址並不會被公開。 必要欄位標記為 *