Trump

Trump 嘅左膠底

Trump 喺接受 fox news 訪問果陣,評論到普京果啲殺人如麻嘅政策果陣, Trump 咁回應 fox news 嘅記者,引起共和黨人強烈不滿

“What do you think, our country’s so innocent?”

呢句嘢,共和黨人梗係想打死佢,共和黨人傳統上幾憎 Putin 治下嘅俄國至得,只不過,如果你了解 Trump 係由民主黨金主變成共和黨總統嘅背景,你唔會對 Trump 呢句嘢感到意外,因為 Trump 本身,就係左膠出身,仲要係美國東岸嘅左膠出身。

Trump 嘅左膠底同原罪觀

西方左膠,無論美國定西歐果啲,都覺得自己以往嘅歷史,無論係十九世紀殖民時代嘅擴張,定係二十世紀冷戰時期嘅各種政策,都覺得自己係殺人如麻。如果係傳統共和黨人,或者好似我呢啲,連李光耀叫南洋克倫威爾都講得出嘅人,唔會指責自己,因為根據lesser evil原則,你唔手上有鮮血,就會死更多人,一如赤柬治下柬埔寨嘅情況。

Trump 表面上,佢好鷹派,連七國travel ban都出,仲唔夠鷹,但實情上,佢同一個真鷹派係好有距離。如果真鷹派,如小弟一類嘅人,一方面唔會搞travel ban搞到咁雞手鴨腳,另一方面,對付果啲流氓國家果陣,都係出師有名,好似要再度對付伊朗呢個宗教狂熱國家,唔係用travel ban,最近伊朗打算處決一名比利時大學教授,呢個已經係理由再對伊朗實施強硬政策,甚至再制裁伊朗,唔俾準備付運伊朗嘅飛機付運都仲得。對真右派,或真鷹派,係唔會認為要同俄國維持關係,支持烏克蘭、格魯吉亞對抗俄國係理所當然。

甚至我懷疑,其實 Trump 出兵海外果種諗法,並唔係傳統共和黨果陣,美國就係要出嚟維持民主社會正義果種諗法,而係類似上世紀末英美兩大左膠政權,分別係英國工黨貝理雅政府,以及美國民主黨克林頓政府,出兵轟炸南斯拉夫,拯救以回教徒為主嘅科索沃人。兩個基督教國家出兵轟炸一個東正教國家,為係一班回教徒,某程度上,亦係呢啲左膠罪咎感,所以至令英美兩國出兵對付南斯拉夫。

如果 Trump 喺俄國政策,仲係好張翠容式左膠味,共和黨控制嘅議會同 Trump 實爭拗不斷,好戲連場。

One thought on “Trump 嘅左膠底

  1. > 兩個基督教國家出兵轟炸一個東正教國家,為係一班回教徒,某程度上,亦係呢啲左膠罪咎感,所以至令英美兩國出兵對付南斯拉夫。

    呢個我唔係咁同意,因為當年其實英美係一直畀人鬧太reluctant,克林頓直頭唔多想出兵。係因為果D屠殺新聞越來越多,壓力越來越大(當然你可以話係來自「左膠媒體」既壓力),先迫到政府出兵救人。喺四周都係東正教(塞爾維亞)或天主教國家(克羅地亞)圍繞之下,唔出兵的話波斯尼亞同科索沃真係可以死更多人。

發表迴響

你的電子郵件位址並不會被公開。 必要欄位標記為 *