英女皇

英女皇 登基六十五週年

今日係 英女皇 伊利沙伯二世登基六十五週年,她係我國歷史其中一位在位最長嘅君主。雖然她年事已高,只不過,相信對大部分英國人嚟講,會希望 英女皇 在位多幾年,至少等到威廉王子成熟,可以直接繼承王位。

英國同大英聯邦還需要 英女皇 作仲裁人

雖然英國,以及一眾英聯邦仍以 英女皇 為君主嘅國家(叫Commonwealth Realm),君主只是虛位君主,並無實權。但君主作為國家嘅精神領袖,外交大使兼出現懸峙國會果陣嘅仲裁人,民眾對君主嘅能力同政見仍然好關注,如果君主本身不受歡迎嘅話,以澳洲同紐西蘭嘅情況,好可能會令當地共和主義嘅思潮佔優勢,英聯邦可能再進一步受削弱,屆時英國再講brexit尋出路,都唔知有無可能。

點解普遍民眾都想 英女皇 繼續做君主一段時間,一方面,喺brexit呢段混亂時間,乜事都會發生,蘇格蘭嘅分離主義亦會再度抬頭,聯合王國需要一位孚民望嘅君主去團結國家,另一方面,喺Trump做咗總統後,查理斯王子果種對Trump敵意,係左膠果種敵意,雖然英國實際領導國家係首相,但國家元首仍然係國王,如果元首對另一個國家元首懷有敵意嘅話,係一件好麻煩嘅事。而最弊係,查理斯王子慣咗會明確表達政見,佢做王子問題唔大,因為王子都只不過係英國其中一個KOL,但做國君就好大件事,大家想像一下,查斯斯王子一登基,如果對Trump私底下有微言,跟住果啲微言被果啲小報傳咗出嚟,以Trump嘅性格同為人,唔六國大封相就怪,而相對嚟講,英女皇果種政治上老練,同沉穩成熟,就算喺民選首相嚟講,近廿年果啲首相,只有貝理雅稍為好一啲,其餘果啲首相,真係唔知點。至於文翠珊,或者可能有戴卓爾夫人之風,但都要等搞完brexit呢隻鑊, 英女皇 喺外交上,仍然扮演重要角色。

就英國現時局勢而言,民眾希望 英女皇 能夠坐多至少五年,並且未來五年健健康康,如果健康唔太好,就直接俾威廉王子擔任國王,或攝政算數。出現一個左膠君主,我唔認為係一件好玩嘅事。

發表迴響

你的電子郵件位址並不會被公開。 必要欄位標記為 *