張德江

張德江 向習近平宣戰?

喺林鄭月娥民望越跌越衰之際,中共港澳事務協調小組組長 張德江 ,同埋中共統戰部部長孫春蘭南下深圳,話林鄭月娥係中共政治局唯一支持人選,而且唔係 張德江 一個人嘅意思,而係中共中央政治局嘅決定。但係呢個宣示,係 張德江 南下深圳作出,唔係召晒班友上北京作出。

對於一個熟悉中共黨史嘅人, 張德江 呢次不單係無中共中央政治局共識,而且好大機會係向習近平宣戰,甚至如同政變,如果香港唔識中共黨史嘅人跟車太貼,隨時炒鑊甘都唔知乜嘢事。

張德江 係得共識無可能係孫春蘭陪同

首先, 張德江 係得到中共中央一致共識嘅人,唔會搵同樣係有江系背景嘅孫春蘭陪同,一定係搵個習近平系嘅官員共同宣布,例如由王岐山宣布,咁可能可信少少。孫春蘭做統戰部長,因為呢條友要幫江系暫時接住令計劃留低嘅爛攤子,並且習系可以乘機清理天津市政府,呢條友喺天津嘅蘇州屎,隨時自己都會落馬,你信係代表中共中央政治局共識。

另一方面,呢啲咁重大嘅人事宣示,為免有人自把自為,歪曲信息,除咗一定有習系權威代表,仲要喺北京作出,分分鐘係人民大會堂,會見某個團,然後將段信息喺共同同意下放出去,再經新華社、中央電視台等報導。依家又玩消息人士,一方面真偽難判,隨時係張曉明自己作古仔,另一方面,如果係真嘅話,只係代表習近平同 張德江 喺香港特首嘅問題上談不攏,有人因此悍然宣戰,實行以硬碰硬。

大家留意明早嘅《成報》,以及依家同習近平結盟嘅《大紀元時報》嘅消息,大概會摸到習近平系統打算點樣還擊。但依家香港商界跟車太貼嘅話,隨時中共十九大之後就死得好慘。甚至我懷疑更恐怖嘅信號係,中共十九大人事安排無共識,甚至權鬥破局,一旦支爆再深入,或打貪再深入,就好可能引發大戰,呢次並唔係講玩,呢啲凶險情況香港商界嘅判斷力十分成疑。

2 thoughts on “張德江 向習近平宣戰?

  1. 有許多人已經俾呢單野打窒咗,例如燒若元呢類生意佬已開始改口吹林鄭嗰邊風,拆局難度增加了!

發表迴響

你的電子郵件位址並不會被公開。 必要欄位標記為 *