林鄭月娥-林鄭辦公室

林鄭月娥個 林鄭辦公室 製造關公災難

林鄭月娥因為被果啲未經授權招致選舉開支果啲page玩殘,被迫自己開個page,叫 林鄭辦公室 。只不過,呢個page係一個典型 social media 上出閘脫腳嘅page,我做咗social media以嚟,我未見過一個page一出世就已經招嚟關公,好得人驚。

林鄭辦公室 名都改錯

點解成個 fan page 第一日已經招嚟關公

  1. 正所謂,唔怕生壞名,最怕改錯名,個fan page改錯咗名就神仙難救,特別喺SEO上會出問題。social media係SEO嘅其中一部分,呢個係業界常識嚟。而林鄭月娥嘅fan page叫 林鄭辦公室 ,一方面完全無咗個product嘅keyword,喺marketing上已經係低級錯誤。但更膠係, 林鄭辦公室 呢個名本身已經極為離地,除咗一陣官味,完全無其他嘢。真係膠到完全喺一個點
  2. 用乜乜辦公室嘅名,更大可能係玩膠專用,唔會官方fan page,最經典例子係楊岳橋大律師、MP嘅810扮工室,全香港唯一一位有埋官方派膠page,楊岳橋僅此一家,但大家都知,楊岳橋係可以行硬膠路線,林鄭月娥唔好同我講,你係行膠膠子路線,相信無人相信你係假膠,而係天生無可以救藥嘅膠人。
  3. 最災難係開幕果段片,你要宣布你玩facebook無問題,但 林鄭辦公室 膠到,五個年青人教佢玩facebook,乜林鄭月娥係電腦軍人鄧幹廉果啲潛在客戶嚟?(硬膠七子之一鄧幹廉,上門裝ICQ收你兩舊水)。唔怪得當年鄧幹廉咁夠薑上門幫人裝ICQ收人兩舊水,原來香港真係有啲人,可以低能到呢個地步,簡直係匪夷所思,不可思議。

林鄭辦公室 係少數一開始就換嚟大量嬲嘅fan page,除咗因為林鄭月娥本身自己乞人憎,同埋被果啲五毛page玩謝至開page外,成個fan page由改名就內容安排,本身都係由一班非專業人士亂咁嚟。我可以講, 林鄭辦公室 會不斷製造啲膠出嚟,如果花生喺呢場選舉後絕種,真係要多謝林鄭月娥個團隊源源不絕咁派膠,有張德江加持,我只能講,so what,如果張德江唔會入秦城長住嘅話。

發表迴響

你的電子郵件位址並不會被公開。 必要欄位標記為 *