搬龍門

左膠 搬龍門 技術去到磁浮級水平

我一直認為香港嘅磁浮技術,位於世界前列。點解我咁嘅睇法,因為當日本JR東海仲喺山梨縣試緊磁浮列車果陣,左膠已經發明咗磁浮 搬龍門 技術﹐ 搬龍門 速度之快,去到時速千公里水平。

點解我咁講,睇班左膠對曾俊華嘅立場就明。

曾俊華提左膠政綱,左膠 搬龍門 唔賣帳

成份曾俊華嘅政綱,我最唔妥唔係政改,唔係23條,因為呢啲倒夜香嘅事,如何有策略地去倒,本身有難度,我之前篇文都解釋過。最頂唔順,其實係啲左膠福利政綱,我列舉出嚟。

  1. 研究引入累進式利得稅
  2. 探討引入負入息稅制度 ( negative income tax ) 的可能性 ─ 收入低過某一水 平,不用繳稅,還可以獲得政府補助(雖然係佛利民提出,本身係右派主張,但香港移民政策嘅情況,未到時候呀。
  3. 檢討一筆過撥款(我個人贊成嘅)

照計,曾俊華已經聽左膠講,但係左膠呢啲嘢都唔講,完全只係集中喺 基本法23條 。我不禁要問,究竟香港啲左膠,可以 搬龍門 搬到乜嘢時候,佢地係唔係真心相信佢地所講嘅主張同一句嘢。

其實由左膠 搬龍門 搬到磁浮級嘅表現,反映到左膠有幾個問題,呢幾個問題如果唔解決,香港一般市民,包括我在內,都會持續對左膠唔信任,尤其是係社民連果班人。

  1. 佢地提嘅反對意見,只不過顯示自己比一般人醒一啲,所以大家要聽佢。呢個熱狗都有呢個問題,基本上係黃毓民病毒留低
  2. 無法去公正評論一件事。總之自己對某個人有偏見,就要連對方嘅優點,或者同自己主張一樣嘅嘢,都要完全否定。我就算幾憎黃毓民,我都始終認為香港做電台演出表現最佳主持人係黃毓民。我對梁國雄唔同意見都好,我對梁國雄喺法院上屢為香港人民權作戰感到敬佩,做人是其是,非其非有幾難?

lesser evil唔代表唔evil,一如邱吉爾同蘇聯聯手打柒納粹,唔代表邱吉爾支持共產主義。我唔同曾俊華嘅左膠經濟政策,但喺依家嘅形勢下,佢仍然係一個lesser evil,對左膠更應該係,因為大家唔知林鄭月娥呢啲好打得會用喺乜地方,但左膠為咗自己無理性對曾俊華嘅憎惡,我真唔知呢啲 搬龍門 作為有乜意義。

發表迴響

你的電子郵件位址並不會被公開。 必要欄位標記為 *