基本法23條

曾俊華應付 基本法23條 方法:借力打力

眾所周知,喺契丹治下做香港特首,係要負起好多近乎倒夜香嘅憲政責任,例如幫 基本法23條 立法。作為歸英派,一定唔希望 基本法23條 立法。

但講真,以契丹立場,依家曾俊華係無條件好似曾蔭權咁,hea咗 基本法23條 立法,曾蔭權爵士做特首果陣,啱啱董建華被 基本法23條 玩謝,立法,立條毛咩?梁振英如果連任,相信係佢負責為 基本法23條 立法。但依家梁振英連任唔到,契丹又唔知要反獨立,反歸英,唔係靠暴力嘅,咁實要求一定就 基本法23條 ,所以要有智慧,去解決呢啲夜香級問題。

好啦,夜香一定要倒,問題點倒。曾俊華嘅方案,其實係一個借力打力,打 基本法23條 立法旗號,但其實最終立唔到北京要立嘅法嘅方案。

hea搞 基本法23條 立法:白紙草案 + 「先易後難」立法

要hea搞 基本法23條 ,係要出師有名,先來係白紙草案,因為白紙草案係為爭拗一啲高度技術性,拗到佛誕都未完嘅法律而設,只要一日未出藍紙,都可以改改改改,只要一句社會未達共識,白紙草案有一、二、三、四、五、六版本果陣,講真,拗得嚟都支爆,屆時 基本法23條 唔再係一個問題。呢個係一個借力打力嘅藝術嚟,識打詠春拳或者知曾俊華做緊乜。

跟住,先易後難,斬件立法,好嘞,其實當年基本法23條關注組,有話佢地收貨嘅 基本法23條 內容,就係《刑事罪行條例》嘅最低程度立法,咁呀,由果度做咗先,反正大家收貨,跟住果啲,又話無共識,拗拗拗拗,等到支爆。所以 基本法23條 呢個政綱,我覺得係得果啲唔服輸,唔知收咗乜人利益嘅白票左膠,至會覺得如獲至寶。當曾俊華講得先易後難,同埋白紙草案,其實大家知道,就係用一個hea嘅方法應付北京班友。我可以講,林鄭月娥就算政綱無講23條立法,以佢河套區、故宮等出賣港人嘅往績,佢搞嘅 基本法23條 你仲驚。

如果胡國興講嘅基本法22條立法,之後再講23條,當然係完美嘅,但政治現實係,基本法22條立法,應該過唔到北京備案果一關。

當然,黃毓民控制果啲熱狗亦大舉出動,最慘係仲有好多年青嘅信徒,自己做咗中共第五縱隊都唔知囉。呢度,我係一次過用文章,回應晒左膠同熱狗兩邊嘅膠人,林鄭月娥得到呢啲人助選,真係令人羡慕不已。

發表迴響

你的電子郵件位址並不會被公開。 必要欄位標記為 *