曾俊華-政綱

曾俊華 喺局限條件下交嘅功課

曾俊華 雖然下午至公布政綱,但上午已經將政綱全文上網。呢份比施政報告更有份量嘅政綱,描劃咗 曾俊華 一旦上台嘅施政綱領,我初步睇, 曾俊華 如果上台,佢會好辛苦,但呢份嘢,我稱為喺局限條件之下,佢最大可能交嘅功課。而對我呢啲lesser evil論者,喺戰略上,可以放膽一啲同時鼓勵泛民選委將提名分別交俾胡國興同 曾俊華 。

曾俊華 嘗試喺夾縫中求交集

  1. 作為契丹治下嘅特首,大家知道一定要被迫交一啲厭惡性功課,例如《基本法》23條,831,呢啲係泛民同北京都會有性格巨星咁,寸步不讓。
  2. 最大鑊係,過往啲政府人,往往係會否定對方嘅善意,跟住乜嘢都唔駛傾落去,呢個問題,林鄭月娥同梁振英更加係同一級別。(我同林鄭月娥多次交手,好知呢條友最鍾意否定對家
    1. 其實真係反映 曾俊華 成個政綱嘅精神,係以下引言呢一段

      在美國的經歷令我明白到,社會問題不可能一天解決,更加不可能 以少數人的努力,就可以實現理想社會。要達成這個夢想,必須有好多 站在不同崗位、抱著不同信念的人,以及整個政府,一起以最大的善意, 以最寬容的態度,一步一步處理社會上不同的問題。過程之中,當然有 看得大家熱血沸騰的抗爭,亦有更多大家注意不到,卻又非常關鍵的妥 協。這就是我後來走進建制,加入政府服務的背景。

      我同 曾俊華 喺國家認同,字面上係南轅北轍,佢認同契丹,我係歸英派,但互相尊重對方嘅善意呢樣好重要,呢個新加坡步向和解嘅方式(新加坡政府承認社陣對獨立嘅貢獻,包括將林清祥視作立國先賢,方水雙死,聯合早報登係前總統蒂凡那兒子寫嘅悼文,李光耀呢方面為南洋帶嚟咗英國傳統,呢個係鬧李光耀獨裁果啲人所忽略。),而喺政改同基本法23條問題上,啱啱反映咗呢樣嘢。

      1. 曾俊華 無提到831呢樣嘢,我覺得佢已經好勇,當然,大家知道搞出831呢個大頭佛果個叫張德江,我相信張德江遲早會喺秦城監獄生活,屆時831仲存唔存在係疑問
      2. 曾俊華 係好巧妙咁拆除《基本法》23條呢個炸彈,因為佢講明係白紙草案諮詢,同埋納入傳媒等方面合理疑慮(佢都認為係有疑慮),簡單嚟講係2003年23條關注組要嘅方案,23條關注組變成咗今日嘅公民黨。相信頭一個任期,都未必會諮詢,相信屆時支已爆,仲講乜23條。

      當然,份政綱有我唔同意嘅嘢,但喺lesser evil大形勢下,佢已經付出超乎尋常嘅努力。我唔係薯粉,但我明白點解 曾俊華 夠薑將呢份嘢upload上網,因為林鄭月娥根本無勇氣抄呢份,本身已經吸納唔少泛民主張嘅政綱。

發表迴響

你的電子郵件位址並不會被公開。 必要欄位標記為 *