熱普城-老屈

熱普城 除咗做啲老屈圖仲識啲乜

本來,唔想又深夜對住 熱普城 啲人渣開炮,只不過, 熱普城 啲人渣老屈屈到我頭上,我就喺星期日深夜呢個traffic比較少嘅時間,同呢班友再開多一次年咁大把。

熱普城 屈人前連基本research都唔做

點解中國大宋帝國宰相秦檜嘅莫須有遺臭萬年,因為屈人連research都唔做,理由都費時俾,就殺咗個殺敵千里嘅名將,呢啲屈人唔做research嘅行為,係最無恥,而喺現代社會,只有共產黨聘用果啲五毛,至做果啲屈人唔做research嘅作為。

熱普城 呢次老屈唔做research有幾點

  1. 由商台識到我依家嘅人都知,我同健吾係唔妥,基本上我唔睇佢啲嘢,更加我唔share佢啲嘢,你老屈我同一個我私底下完全無兩句嘅人夾埋,你 熱普城 班人渣有無病㗎?呢一點,亦係我非常之方丈,必須要開炮嘅原因。
  2. 我對青政嘅立場係,青政有啲人,我自己係有保留,我都唔係青政嘅成員,去年立法會選舉中,我支持青政,係因為游蕙禎可以令黃毓民喺議會消失,呢個係為香港除害。任何可以令黃毓民消失於政壇嘅敵人,除咗我唔知佢係唔係黃毓民真老闆嘅中共,我都會加以團結。呢個係合符我一貫嘅lesser evil理論。話我係乜嘢青政KOL,真係屈人唔做research

我唔知一圖論述係乜人做,我亦唔知look7s係邊個人做,但如果呢兩條友係做social media或design為業,我呼籲呢兩檔嘢嘅友仔,唔好再接黃毓民呢啲出賣香港民主運動人渣嘅生意。健吾訪問林鄭月娥,係佢受制作為商台員工,我唔妥佢,但我唔會怪佢,要郁就郁商台老闆。但依家 熱普城 集團全力反lesser evil論,熱血時報又獲林鄭月娥禮待,我只係睇到一樣嘢, 熱普城 集團只係一班爛仔扮支持民主嘅五毛。如果有人起到邊啲graphic designer幫 熱普城 集團,大家記得唔好再俾job呢啲人做,反正黃毓民大把job俾佢地,係咪?

發表迴響

你的電子郵件位址並不會被公開。 必要欄位標記為 *