we撐林鄭-facebook廣告

we撐林鄭 擺明涉及未經候選人授權選舉開支,廉署應該郁手

有線電視偵查報導攞到screen capture證據,證明 we撐林鄭 曾經喺facebook度落廣告,宣傳自己個page。

唔理 we撐林鄭 個page,係用facebook送果啲coupon,定係自己真金白銀去落facebook廣告,如果 林鄭月娥 係無授權過鄧德德搞呢個page,咁樣落廣告,都係未經候選人批准招致選舉開支,呢個係違反《選舉(舞弊及非法行為)條例》第23條第1款。而我查閱番選舉事務處嘅中央平台,全部都係林鄭月娥自己網站,從來無申報過 we撐林鄭 呢個page。

我依家screen capture晒2月5日下午11時14分嘅情況

we撐林鄭-facebook廣告
we撐林鄭-facebook廣告
we撐林鄭-facebook廣告
we撐林鄭-facebook廣告
we撐林鄭-facebook廣告
we撐林鄭-facebook廣告

廉政公署應該請 we撐林鄭 班友飲咖啡

如果 we撐林鄭 真係香港人搞,廉政公署應該請搞呢個page啲友仔去飲咖啡,因為選舉事務處中央平台嘅紀錄好清楚, we撐林鄭 啲嘢出咗咁耐,無人申報過,即係有人非法招致選舉開支。

如果個page有賣過廣告,係邊個做過呢啲事,唔難查到,因為facebook一定會有果個人嘅信用卡資料,或者paypal戶口資料,先至去俾落廣告。如果係留香港信用卡資料,即係香港人所為。依家可能怕係,統監府為咗逃避法律追究,狗到用美國信用卡,甚至一啲無姓名嘅prepaid卡,用果啲卡嚟落廣告,屆時要追查,相信要有一定難度。

只不過,係應該搵人舉報有人非法招致選舉開支,如果 林鄭月娥 想同呢班友劃清界線,最好自己去報廉署,並且向廉署落案,呢班五毛要洗定八月十五坐監,就由呢啲五毛自己受好,尤其如果真係鄧德德做嘅話,一個參選過立法會議員嘅人可以做啲咁嘅事,根本係無罪可恕。如果 林鄭月娥 連廉署都唔報,要搞到人地去報嘅話,相信公眾好快會一併質疑 林鄭月娥 。

發表迴響

你的電子郵件位址並不會被公開。 必要欄位標記為 *