林鄭月娥-選舉開支

土共呢班友幫 林鄭月娥 招致咗幾多選舉開支?

第二啲特首候選人評論選舉條例,你都未必要聽,但胡國興係例外,胡國興除咗長期擔任選舉管理委員會主席,今日香港好多選舉法例,都有佢嘅手筆,所以佢嘅意見,好具權威性。而胡國興對果啲 林鄭月娥 非官方fan page引致嘅選舉開支關注,係合情合理。

林鄭粉絲蝦米煲 撐 林鄭月娥 撐到過晒火位

點解土共搞果啲非官方facebook fan page會有幾過火,甚至引發選舉開支,除咗we撐林鄭好有問題,同香港政研會關係密切嘅林鄭粉絲蝦米煲,係更加過份,而且好大機會引起選舉開支。

林鄭粉絲蝦米煲成件事,已經好有we撐林鄭嘅味道,果陣攻鼻嘅土共味,當然再強一啲,如果唔係我本身係會追蹤hashtag嚟做選舉分析,相信大部分人,都未必會發現林鄭粉絲蝦米煲呢啲fan page。

但真正觸發選舉開支問題疑慮,並唔係純粹個page,如果果個page齋撐林鄭月娥,而唔攻其他候選人,仲可以話民間個別粉絲所為。但大家睇下以嘅所謂改片,已經去到人身攻擊一個候選人嘅地步,甚至人身攻擊果啲連候選人都唔係嘅人,呢啲真係唔涉䲯選舉開支,我真係唔信。

林鄭月娥-選舉開支
林鄭月娥-選舉開支

引用陳雲話「薯片有毒」嘅說話,固然係證明熱普城同林鄭月娥呢班友蛇鼠一窩,但更大問題係,呢啲片你話唔係選舉廣告,唔涉及選舉開支,你呃我咩?如果呢啲fan page,大家有發現係有買sponsorship嘅,就十分十係選舉開支,廉政公署係應該請林鄭粉絲蝦米煲呢班大帝去飲咖啡至啱。

周融HKG報果啲風格,亦係游走選舉廣告邊緣,呢啲post一出sponsorship,大家就應該立即screen capture,並且正式向廉政公署舉報。

林鄭月娥-選舉開支
林鄭月娥-選舉開支

我依家列出果啲有可能涉及選舉開支嘅 林鄭月娥 非官方facebook,等大家去評斷同調查。

名稱 網址
we撐林鄭 https://www.facebook.com/We撐林鄭-1734632993517816/?ref=py_c
林鄭粉絲蝦米煲 Luvcarrie https://www.facebook.com/WeLuvCarrie/?hc_ref=SEARCH&fref=nf
林鄭gogogo 泛民nonono https://www.facebook.com/CarrieGoPanDemNo/?hc_ref=PAGES_TIMELINE&fref=nf

大家要留意,林鄭粉絲蝦米煲有「全媒體」(契丹),同大公報授權轉發內容,明顯係同中聯辦有關。廉政公署應該考慮搜查中聯辦,並請張曉明飲咖啡。同埋呢堆page,全部有like德德悟政經,香港政研會鄧達德應該同呢堆page有關,如果 林鄭月娥 有心維持公正選舉,係應該公開出聲明制止呢條友。

發表迴響

你的電子郵件位址並不會被公開。 必要欄位標記為 *