ARUP 點解仲可以得到政府合約?

蘋果日報發現,喺上月公布嘅政府招標已批准訂立合約公告中,竟然仲有 ARUP 份,仲要係贏得運輸署嘅合約。而 ARUP 違規將屬於同一個政策局嘅房屋署嘅資料,用作規劃用嘅數據資料,洩漏俾地產商,政府話要罰 ARUP ,但 ARUP 居然贏得合約,令人懷疑政府係唔係呃公眾。

政府固然有責任解釋,點解 ARUP 仲可以贏到合約,只不過,有幾多合約係只有 ARUP 有能力投標,都係令人關心嘅議題。如果大批合約只有 ARUP 有資格投標嘅話,咁好難怪 ARUP 可以咁有恃無恐,將政府資料洩漏出嚟做其他生意。

ARUP 連贏三次同類合約

根據政府紀錄,連同最新呢份,過去同類合約,都係由 ARUP 贏嘅

招標編號
政府公告編號(G.N.)
決策局/部門
批出合約日期
項目
承包商/承造商
項目/數量
價值
TD 298/2011 6182 運輸署 2013年2月 為2013及2014年交通統計年報提供收集交通流量資料及編輯服務 奧雅納工程顧問(香港)有限公司 港幣8,569,420.00元
TD 49/2014 6143 運輸署 2015年1月 為2015及2016年交通統計年報提供收集交通流量資料及編輯服務 奧雅納工程顧問 由2015年1月29日至2017年8月31日 港幣8,092,800.00元
TD 22/2016 5285 運輸署 2016年12月12日 為2017及2018年交通統計年報提供收集交通流量資料服務 奧雅納工程顧問 服務期由2016年12月15日至2019年8月31日 港幣9,950,270.00元

我個人唔信 ARUP 會特別平,但如果合約嘅要求,有某啲專業條款,全香港可能得 ARUP 合符資格,咁老實講,政府任何嘅懲罰措施都意義唔大,因為 ARUP 明知自己根本唔會損失政府合約,會長做長有。

所以,立法會議員(國會議員),固然要追問到底,政府究竟發生咗乜事,因為橫洲事件上, ARUP 嘅角色一直被質疑。但另一方,除咗 ARUP ,政府有無可能搵到第二啲選擇,呢個亦係市民想知,亦希望政府做得到。畢竟長期由個別公司壟斷政府合約,以公帑嘅合理運用而論,並唔健康。因為本來價低者得嘅原意,就係保障用最抵價錢買到服務嚟服務市民,但如果係個別公司壟斷嘅話,點解政府唔向海外其他可能嘅公司招手,甚至俾機會一啲有心做嘅香港本土中小型公司。(唔係契丹人開果啲,唔該)

發表迴響

你的電子郵件位址並不會被公開。 必要欄位標記為 *