熱普城

熱普城 係林鄭月娥嘅盟友

大家有無發現一個奇怪現象,一啲同 熱普城 關係密切嘅插畫page,或者同 熱普城 關係密切果啲人,係咁攻擊曾俊華嘅眾籌,罕有地出現左膠 熱普城 大合唱,大家要諗吓,要一班唱《海闊天空》唱到衰晒嘅左膠,同黃毓民、黃洋達主導嘅 熱普城 聯手,都係一件不可思議嘅事。

但 林鄭月娥 嘅「分享會」上, 熱普城 主導嘅熱血時報,竟然獲准入去採訪,兼且 林鄭月娥 會回應佢地記者嘅提問,大家就明發生咗乜事囉。

熱普城 係林鄭月娥政權嘅自己友

點解網媒採訪會被阻止,除咗因為政權敵視網媒之外,仲有一個原因,大家記得十年前,黃毓民濫用my radio記者之名,喺曾蔭權記者會搞抗議,跟住就令網媒採訪開始受阻。

熱普城
熱普城

林鄭月娥唔通咁有吉士,唔怕 熱普城 班友借熱血時報個朵嚟抗議,大家睇到熱血時報問嘅問題咁正路,你就明發生咗乜事喇。當 熱普城 喺度講永續基本法果陣,其實黃毓民亦都任務完成,收咗一班唔駛錢,自己開摩打攻擊民主派嘅人,仲以為自己爭取民主,做咗自幹五(自己自發做咗五毛,但無錢收果隻)都唔知,依家民主派四分五裂,咁 熱普城 系統咪可以歸隊,所以至出現呢個咁匪夷所思嘅場景。

相反,好多民主派話青年新政係鬼,青年新政內部係有問題,只不過,如果講鬼味濃郁,一定唔係 熱普城 果隻。

熱普城 之亂,其實對泛民係一個教訓,如果泛民唔時刻留意形勢變化,聆聽民意,一係被扮激進左翼嘅人玩謝你,一如社民連初出之時,一係被扮激進民粹嘅人玩謝你,一如最初嘅人民力量,以及後來嘅 熱普城 。黃毓民嘅演技出神入化,只不過,如今呢條友垂垂老矣,去年國會大選已經被人拆穿佢嘅西洋鏡,玩唔落去,所以至有去年九月黃毓民被擊敗,以及依家林鄭月娥分 享會,竟然熱血時報可以入去呢一幕。

對本土派嚟講,唔好迷信任何教主,走自己嘅路係最重要。華人喺民主走冤枉路,因為太鍾意拜神,由洪秀全、孫中山、蔣介石、毛澤東,個個都係自己造神,然後令群眾變成製造悲劇嘅工具。真係做到堅拒做神,引導民主路果個英雄,係中華民國首任直選總統李登輝。只有不造神,方有真獨立,大家要記住呢點。

One thought on “熱普城 係林鄭月娥嘅盟友

發表迴響

你的電子郵件位址並不會被公開。 必要欄位標記為 *