眾籌

眾籌 犯法?林鄭月娥挑戰民眾?

喺曾俊華透過 眾籌 ,攞到15623人喺網上支持,並籌得3,369,372捐款果陣,林鄭月娥唔單只唔肯接受民意嘅測試,都開眾籌展示實力,仲大言不慚,質疑 眾籌 嘅合法性。

曾俊華團隊好多資深而且熟書嘅公務員,梗係唔會做啲令自己中伏嘅事。根據《行政長官選舉活動指引》附錄十八,我睇唔到 眾籌 有任何合法性問題,相反,林鄭月娥嘅言論係誤導公眾,並且掩飾自己唔肯接受民意挑戰嘅本質。

行政長官選舉活動指引附錄十八無話 眾籌 有問題

《行政長官選舉活動指引》附錄十八,有詳列候選人或其代理人,接受競選捐贈時嘅法律要求,我抄錄如下。

  1. 事先取得候選人的同意/授權;
  2. 為收取及處理選舉捐贈設立專項帳目
  3. 如涉及多於一名候選人或其他人士/組織,列明把捐贈分 攤給各候選人或其他人士/組織的捐贈
  4. 如同捐贈由候選人直接接受一樣,遵守《選舉(舞弊及非法行為)條例》有關選舉捐贈的全部規定。例如:每項 1,000 元以上的選舉捐贈必須由有關的候選人而非由代理人向捐贈者發出收據
  5. 確保向捐贈者清楚說明其捐贈目的/用途;以及
  6. 如在公眾地方經籌款活動接受捐贈以作非慈善用途,向民政事務局局長申請許可。

好喇,我就攞以上六項,為曾俊華嘅 眾籌 進行清晰測試

附錄十八規定 曾俊華嘅做法
為收取及處理選舉捐贈設立專項帳目 有做
如涉及多於一名候選人或其他人士/組織,列明把捐贈分 攤給各候選人或其他人士/組織的捐贈 不適用
如同捐贈由候選人直接接受一樣,遵守《選舉(舞弊及非法行為)條例》有關選舉捐贈的全部規定。例如:每項 1,000 元以上的選舉捐贈必須由有關的候選人而非由代理人向捐贈者發出收據 已經說明,並有講清楚
確保向捐贈者清楚說明其捐贈目的/用途
如在公眾地方經籌款活動接受捐贈以作非慈善用途,向民政事務局局長申請許可。 網上眾籌不適用

林鄭月娥,請問曾俊華 眾籌 有乜法律問題,可唔可以清楚指出邊一條法律條文?相反,依家深圳同心俱樂部SMS代林鄭月娥籌款事件,仍然未有一個清晰答案,點解無記者去追殺林鄭月娥嘅。我真係發現,林鄭月娥嘅面皮厚度,真係完全係非一般咁厚,唔咁樣做fast check,真係俾佢啲廢話過咗骨都唔知。

發表迴響

你的電子郵件位址並不會被公開。 必要欄位標記為 *