法官

市民批評 法官 根源:裁判法院

大律師公會新主席林定國資深大律師,喺RTHK《香港家書》指市民評論 法官 判決果陣,應該先充分了解有關案件嘅證據同判案理由後至提出,用字同態度都應該保持克制,保持基本嘅禮貌同尊重。作為一個熟法律嘅普通人,我都同意係俾番 法官 應有尊重,因為土共成日都想藉批鬥 法官 ,令法院變政治機器。而遮打革命同魚蛋革命期間唔少案件,裁判法院 法官 都篤爆警察作偽證,係律政司班友唔跟進,唔少裁判法院 法官 都係正直不阿,公正判案。

只不過,有部分裁判法院 法官 係亂嚟,係應該受公開批評,而依家裁判法院升遷方式,亦係好有問題。

被批評果啲 法官 多數係啲亂釘官

其實真係引起公眾好大反感嘅 法官 係少數,主要係兩個,仲要一個查實退咗休。一個係以胸襲警案嘅陳碧橋,以胸襲警案我認為一定要打上終審,要被終審法院普通法其他司法管轄區資深嘅法官審視呢單案,呢單案恕我直言,真係挑戰我對刑事法嘅常識。

另一個引發反感嘅 法官 係杜浩成,呢個杜浩成果啲判案甩轆案早見諸報章,仲要呢個人判案係基於政治偏見,往往對警方果啲喺美國一早用due process標準打甩嘅案件(14th amendment)視而不見,除咗不知所謂,我唔知點形容杜浩成,佢得到杜酷刑呢個花名,某程度係自取。

而依家公眾最擔心,其實係兩點:

  1. 依家好多時升遷法官,係睇定罪率,而唔係睇判案嘅質素,好多時係助長釘官,香港同日本一樣,係刑事案定罪率罕有地高嘅地區,結果成日有被批評嘅膠案發生,係唔合理。
  2. 最擔心除咗升遷法官方式,仲有一大堆暫委裁判官,唔係個個都好似林定國咁,做暫委 法官 可以正直不阿到當眾指斥候志強蠻橫無理,好似陳碧橋呢挺暫委裁判官係最令人擔心

所以改革裁判法院嘅升遷同人事係重要。仲有一點,對果啲作偽證嘅警務人員,應該考慮改革,容許裁判官可以落指令,下令律政司司長進行檢控,或由法院委派獨立檢察官進行檢控。同埋應該引進類似美國憲法第十四修正條款嘅法律,只要有任何檢控程序被發現係不公(undue),成單案可以drop咗佢,呢樣原則叫procedural due process,否則等同鼓勵執法人員便宜行事。點解美國警匪劇集依家無晒刑求情節,因為大家都有常識,知道嚴刑迫供嘅結果就係檢控失敗,辯方律師都唔係傻嘅。

發表迴響

你的電子郵件位址並不會被公開。 必要欄位標記為 *