愛爾蘭共和軍

BREXIT 第一大挑戰: 愛爾蘭共和軍

北愛警隊啱啱拘捕咗一位嚟自北愛嘅英國皇家海軍陸戰隊隊員,指佢涉嫌參與 愛爾蘭共和軍 嘅恐怖活動,當然呢度指嘅 愛爾蘭共和軍 唔係指已經棄咗械果班,而係堅持要以武力統一愛爾蘭全境果少數人。

但一旦 BREXIT, 愛爾蘭共和軍 ,或者類似嘅武裝組織會唔會再搞恐怖活動,就係關鍵。

愛爾蘭共和軍 棄械唔係無條件

自Good Friday Agreement 以嚟,北愛享有多年和平, 愛爾蘭共和軍 之所以肯改變立場,因為上世紀九十年代《馬城條約》簽署後,歐盟唔係一個共同市場,而係一個超級國家,喺歐盟旗下,愛爾蘭已經實現全境統一,北愛爾蘭主權名義上歸英國並唔重要,只要英國都喺歐盟之下就得。所以武裝分子無晒市場,好似Maxwell咁自我激進化果啲,係個別例子。

但如果英國 BREXIT 就好難講,雖然唔少英國人會湧入愛爾蘭,為係歐盟嘅身份,同埋工作機會,但愛爾蘭共和派會覺得,北愛爾蘭係再度分離,當呢班唔接受果陣,就會搞出事嚟。所以BREXIT白皮書有一章,特別講英愛關係,因為 BREXIT 第一大挑戰,唔係經濟,而係 愛爾蘭共和軍 再攞起武器,屆時英國本土真係無日安寧。

比起回教恐怖分子, 愛爾蘭共和軍 其實難對付好多,因為 愛爾蘭共和軍 都係講英文,膚色、生活習慣、外貌、衣著全部都無分別,可能唯一分別係 愛爾蘭共和軍 以天主教徒為主,同回教恐怖分子,同種族、外貌、衣著、飲食習慣同英國截然不同,係完全唔同,如果 愛爾蘭共和軍 再興,試問邊度仲有能力對付回教恐怖分子?依家已經捉咗一個喺英軍服役嘅恐怖分子,你唔知 愛爾蘭共和軍 同情者裡面,有幾多埋伏喺英軍,甚至英軍一啲精銳隊伍。

所以 BREXIT no plan 係不負責任,我相信做過內政大臣吧文翠珊,好應該清楚知道,一旦 BREXIT 之後,英國要面對一個點嘅世界。

發表迴響

你的電子郵件位址並不會被公開。 必要欄位標記為 *