守護公義基金

點解 守護公義基金 嘅眾籌無人理?

葉劉淑儀經常因啲「吃不到的葡萄」係酸嘅言論,被譽為香港酸度最強議員,葡萄長伴希師奶。只不過,做憤怒嘅葡萄並唔係希師奶嘅專利,梁國雄公開質疑點解啲人要捐俾支持831嘅曾俊華,唔去捐俾 守護公義基金 。

其實有啲嘢,我想講咗好耐, 守護公義基金 選擇性守護公義,正正係啲人寧願去捐俾曾俊華,都唔係捐俾 守護公義基金 嘅原因。

守護公義基金 須一視同仁

當然,我對梁振英入稟對付劉小麗、羅冠聰、梁國雄同姚松炎四位國會議員,感到好憤慨,但大家都知道,依家仲有兩位國會議員,分別係游蕙禎同梁頌恆係上訴緊去終院,佢地兩個都係民選國會議員。 守護公義基金 可以一併做大籌款個pool,做到八百萬,甚至一千萬,幫另外兩位國會議員籌款,或者,呼籲公眾同時捐埋俾游蕙禎同梁頌恆,咁無論邊個陣營,都會認為 守護公義基金 確實守護公義,捐款自然會有改善。

但依家 守護公義基金 ,只係幫四個籌,另外果兩個呢?公眾對呢啲私怨行先嘅做法好反感,所以除咗果啲本身反港獨嘅大中華膠基本盤, 守護公義基金 一直難籌錢就咁解。

我呢度都收眾籌,但有樣野,我唔會指責啲人捐俾曾俊華,唔捐俾我,捐俾曾俊華,係作為選票咁用,向北京反映真民意,有乜問題。曾俊華都呼籲公眾同時支持其他fringeback項目,做大個餅,至會真係人人有得籌。

我會呼籲大家支持 守護公義基金 ,同時支持 游蕙禎同梁頌恆嘅籌款行動,但唔該梁國雄,你自己身為 守護公義基金 受惠者,亦應該就自己嘅小家言論同作為,向公眾有番個道歉。

守護公義基金 籌款方式

恒生銀行 戶口號碼:788-006039-001
戶口名稱:香港教育專業人員協會 (HONG KONG PROFESSIONAL TEACHERS’ UNION)

游蕙禎、梁頌恆國會議員 籌款方式

大家睇呢個網址:http://donation.youngspiration.hk/index.html

捐俾我?

恆生銀行:395-158777-882
花旗銀行:14830515
八達通好易俾/Tap and GO / HSBC-恆生 Easypay:9380 7352

One thought on “點解 守護公義基金 嘅眾籌無人理?

發表迴響

你的電子郵件位址並不會被公開。 必要欄位標記為 *