曾俊華-林鄭月娥

曾俊華-林鄭月娥 2月3日 對陣

2017年2月3日,曾俊華-林鄭月娥 對陣嘅決定性日子之一,林鄭月娥揀咗2月3日搞分享會意圖挽回劣勢,而曾俊華亦揀咗呢日推出眾籌計劃,同放核彈麥齊光贈慶,兩陣交鋒,今日特別激烈,所以要作一個仔細嘅對陣分析,總結番個形勢。

曾俊華-林鄭月娥 2月3日 對陣狀況

曾俊華 林鄭月娥
公布眾籌計劃,一日有八千民眾響應 會展搞分享會,請晒啲地產商過去
麥齊光宣布支持曾俊華,反證林鄭月娥人格 劉千石、管浩鳴、李國章呢啲人支持林鄭月娥
無任何競選新口號 we connect口號原來係遙控按摩器app嘅名

曾俊華-林鄭月娥 2月3日 對陣分析

今日 曾俊華-林鄭月娥 嘅對陣,可以講係令林鄭月娥無法扭轉民意大局嘅一次對陣,有3點,大家可以比較到,點解 曾俊華可以保持領先優勢,相反,林鄭月娥好可能喺整場選戰裡面,都要忙於撲救大大細細嘅火。

  1. 曾俊華搵到麥齊光支持,麥齊光大爆林鄭月娥嘅無義氣行為,令唔少人,特別公務員感到心寒
  2. 曾俊華透過眾籌證明有民意支持,以及大大削弱同地產界關係色彩,亦對泛民選委嘅行為,構成相當大嘅壓力,反之,林鄭月娥分享會大請地產商,令人懷疑林鄭月娥究竟係向邊個負責。
  3. 支持林鄭月娥嘅人,好似劉千石、管浩鳴、梁愛詩同李國章,全部都係負資產級嘅人物
  4. 林鄭月娥嘅執行力,喺分享會後更被懷疑,分享會由衣著到音響都甩轆,但最甩轆係同行we connect口號,本來有抄張超雄之嫌,但依家被人發現we connect原來已經被一間性玩具公司所用,喺google嘅search result大部分都同性玩具有關,被人嚴重恥笑

而林鄭月娥團隊無能呢個問題,如果難以解決嘅話,林鄭月娥嘅民望就好難有改善或提升嘅機會,呢個已經唔係公關嘅問題,而係用人同埋做事基本條理嘅問題。

發表迴響

你的電子郵件位址並不會被公開。 必要欄位標記為 *