we connect

We Connect ? 林鄭月娥 ,你肯定呢個口號無問題?

We connect 係林鄭月娥嘅選舉口號嚟,招來惡搞就預咗,只不過,照計唔應該係會招來關公災難。只不過,喺「同行 we connect」呢個口號傳咗幾個鐘後,facebook突然出現大量同女性用按摩器相關嘅post,唔係果間公司發神經狂賣廣告,而係有一間公司出嘅可以透過手機遙控按摩器個App,就係叫 we connect ,換言之,林鄭月娥個選舉口號,同個遙控按摩器撞keyword,大家可以諗吓,google果個search result,日後將會有幾惡頂。

we connect 可以出街睇到林鄭月娥團隊發生咗乜事

通常呢,我們喺訂任何商標或口號之前,都應該用Google search 一 search ,有幾個考慮位:

  1. 費時侵犯另一間公司嘅商標
  2. 費時同第二啲公司嘅同類口號撞
  3. 評估有可能會被人點惡搞
  4. 評估要做SEO果陣嘅成本

其實,只要打 we connect 喺google,頭五位嘅,有兩個都係果枝按摩棒嘅app有關,林鄭月娥都應該知道,呢個口號一出街嘅結果,唔單只係膠,仲要係膠到無朋友果隻,大家由頭笑到落腳

we connect
we connect

仲要,林鄭月娥就算請咗SEO公司同專家幫手,都唔會令到 we connect 果隻app嘅排名會跌,因為你林鄭月娥只係代表香港嘅traffic,但 we connect 隻app,個市場係包含英、美等地,你要同英美等地嘅龐大而且穩定嘅traffic對抗,你無病嘛,我怕駛晒你果千六萬選舉經費,都搞唔甩你同隻按摩器app嘅關係。

呢件事,簡直係關公災難中嘅關公災難,雖然我相信按摩器生產商,都想林鄭月娥改口號,因為會嚴重影響喺香港嘅銷路。日後各大marketing公司,同埋PR人,度一句口號前,唔該自己搵搵Google,最好就搵SEO方面嘅專家做評估工作,唔好自己自把自為,否則更膠嘅事都可以發生,點只自己個client同個按摩器產生強烈關聯咁簡單,呢個世界有啲錢,或有啲功夫,係根本上唔慳得嘅。

3 thoughts on “We Connect ? 林鄭月娥 ,你肯定呢個口號無問題?

發表迴響

你的電子郵件位址並不會被公開。 必要欄位標記為 *