曾俊華

曾俊華 眾籌反應熱烈代表嘅民意

曾俊華 嘅眾籌反應真係好熱烈,喺下午fringebacker嘅server恢復後(好明顯係DDoS attack,成堆垃圾IP同五毛戶口攻擊個 oauth),捐款數字急速上升, 曾俊華 眾籌部分恢復時間約下午三點,呢個鐘數係香港internet traffic比較靜嘅時間,喺一個比較靜嘅時間,都去得咁快,其實民意好清晰。

市民期待 曾俊華 帶嚟比較正常嘅政府

好多左翼仲係以為,香港選民係支持佢地嘅白日夢烏托邦,其實香港人支持係,係一個「良好管治」,以常識同常理嚟管治呢個城市,講公道,守規矩,大家公平競爭嘅正常政府,呢個係點解歸英論一直有市場嘅理由。甚至有啲左翼主張,根本係好心做壞事,好似全民退保係明顯例子。

如果今日係有真普選,講真, 曾俊華 一早大熱勝出,幾時到林鄭月娥出嚟選,如果泛民出嚟選,用埋啲左膠政綱,肯定輸到仆直。甚至一旦香港有真普選,有幾多泛民政客可以留低,我係非常之懷疑。

其實我呢度,想認真提醒泛民嘅選委,如果最終因為泛民嘅硬膠決定,令 曾俊華 入唔到閘,林鄭月娥不戰而勝,由此引發嘅民意反彈,唔會低過梁耀忠身為father of the parliament就連主持會議都主持到一舊屎咁。而且呢次反彈,唔會只係落喺一條硬膠身上,而係成個民主派食晒,所以各選委聽左膠講嘢果陣小心。

同埋留意一樣嘢,受黃毓民-黃洋達熱血系統指揮果啲page開始攻擊曾俊華,我唔想點名邊啲人,但黃毓民呢個人擺明係投靠統監府搵食,其實好清楚。

後話:行政長官嘅選舉經費上限係1630萬,如果爆咗呢條數,多咗嘅錢只可以捐俾慈善機構,如果 曾俊華 條數去到咁上下,大家可以收韁,至於錢啲轉捐邊度,你們自己決定。當然,捐俾我都唔拘 =P

發表迴響

你的電子郵件位址並不會被公開。 必要欄位標記為 *